एजेन्सी – भारतीय क्रिकेट बोर्ड (बीसीसीआई)ले पहिलो पटक आक्रमक तथा विकेट किपर ऋषभ पन्तालाई वान डे खेलमा मौका दिएको छ ।

वेस्ट इन्डिजसँग हुने ५ वान डे श्रृंखलामा सुरुवाती २ वान डे खेलको लागि १४ सदस्य टोली बिहिबार घोषणा गरेको छ । जस्मा युवा क्रिकेटर पन्तलाई मौका दिएको छ । पछिल्लो सममय इङ्ल्यान्ड भ्रमण तथा वेस्ट इन्डिजबीरुद्ध टेस्ट क्रिकेटमा सानदार प्रर्दशन गरेपछि दिनेश कात्तिकको स्थानमा भारतीय टोलीमा मौका पाएका हुन् ।

एसिया कपमा आराम दिएका कप्तान विराट कोहली पनि खेलमा फर्किएका छन् । त्यस्तै तिब्र गतिका बलर जसप्रित बुमराह र भुवनेश्वर कुमारलाई सूरुवाती दुई खेलमा आराम दिएको छ । एसिया कपमा परेका दिनेश कात्तिक र केदार जाधवले टोलीमा मौका पाएका छैनन् भने हार्दिक पाण्डे घाइते भएको कारण टिममा नपरेको विसीसीआईले जनाएको छ । भारत र वेस्ट इन्डिजबीच अक्टोबर २१ देखि नोभेम्बर १ सम्म भारतमा ५ वान डे श्रृंखला हुने छ ।

यस्तो छ १४ सदस्य टोली :

विराट कोहली (कप्तान),शिखर धवन,रोहित शर्मा,महेन्द्रसिंह धोनी,कुलदीप यादव, शालदुर ठाकुर,युवेन्द्र चाहाल,मोहमम्द शामी, ऋषभ पन्त,रविन्द्र जडेजा,मनिष पाण्डे,आम्बीत रायुडू, के.एल राहुल र खकील अमिद रहेका छन् ।