एजेन्सी – अस्ट्रेलियाविरुद्ध पहिलो टेस्टको  तेस्रो दिनको खेल सकिदा पाकिस्तानको दवदबा कायमै रहेको छ । पहिलो इनिङ्समा अस्ट्रेलियाले २ सय २ रन मात्र बनाउन सक्यो ।

तेस्रोदिन ओपनर आरोन फिन्च र उस्मान खवाजाले १ सय ४२ रनको साझेदारी गर्दै अस्टेलियालाई बलियो स्थितीमा पुर्याउने प्रयास गरेका थिए । तर फिन्च ब्यक्तिगत ६२ रनमा पेभिलिएन फर्किएपछि अस्ट्रेलियाको विकेट पतन सुरु भएको थियो । फिन्च आउट भएसँगै निरन्तर विकेट गुमाएपछि अस्ट्रेलिया सस्तैमा समेटीएको हो । कुनै समय १ सय ४२ रनमा १ विकेट गुमाएको अस्ट्रेलियाले अन्य ३२ ओभरमा ९ विकेट गुमाउदैँ २ सय २ रनमै अल आउट भयो ।

फिन्चले१ सय ६१ बलमा ५ चौका र १ छक्का प्रहार गर्दै उक्त रन बनाएका हुन् । त्यस्तै अर्का ओपनर खवाजाले १ सय ७५ बलमा ८ चौका प्रहार गर्दै ८५ रन बनाउन बाहेक अन्य कुनै पनि ब्याटम्यानले सम्झन योग्य पर्दशन गर्न सकेनन् । अस्टेलियाका ४ जना ब्याटम्यानले खाता सम्म खोल्न सकेनन् । अस्ट्रेलियाका ओपनर बाहेक अन्य कुनै पनि ब्याटम्यानले सम्झन योग्य प्रर्दशन गर्न सकेनन् । अस्टे«लियालाई पहिलो इनिङ्समा सस्तैमा समेट्न पाकिस्तानका विलाल आसिफले ६ तथा मोहमम्द अब्बासले ४ विकेट लिए ।

दोस्रो इनिङ्स थालेको पाकिस्तानले खराव प्रर्दशन गरेको छ । तेस्रो दिनको अन्तिम शेसनमा ब्याटिङ गरेको पाकिस्तान १६.२ ओभरमा ४५–३ को स्थितिमा रहेको छ । पहिलो इनिङ्समा शतक प्रहार गरेका मोहमम्द हफिज १७ रनमा आउट हुदाँ बिलाल आसिफले खाता सम्म खोल्न सकेनन् । तेस्रो दिनको अन्तिम बलमा आउट भएका अजर अलीले ४ रन जोड्न सके । क्रिजमा इमाम उल हक २३ रनमा नट आउट रहेका छन् ।

तेस्रो

 दिनको खेल सकिदा पाकिस्तनले सम्रगमा ३ सय २५ रनको अग्रता लिएको छ । पाकिस्तान पहिलो इनिङमा ४ सय ८२ रनमा अल आउट भएको थियो ।