राजकोट (एजेन्सी)– १८ बर्षिय पृथ्वी शा ले डेब्यूमै सानदार सतक प्रहार गरेपछि आजबाट राजकोटमा सुरु भएको भारत र वेस्ट इन्डिज विरुद्धको पहिलो टेस्टको पहिलो दिनको समाप्तीमा भारत बलियो अस्थितिमा पुगेको छ । अझ चेतेश्वर पुजरा र कप्तान विराट कोहलीले उत्कृष्ट अर्धशतक प्रहार गरेपछि पाउना टोली वेस्ट इन्डिजका बलर भारतीय ब्याटम्यान सामु कमजोर सावित भए ।

पहिलो दिनको समाप्तीमा भारत (८९) ओभरमा ३६४–४ को बलियो स्थितिमा छ । शा डेब्यूमै शतक प्रहार गर्ने भारतीय १५ औँ तथा विश्वमा १०६ औँ ब्याटम्यान बनेका छन् । यस अघि भारतका सौरभ गांगुली,सुरेश रैना,रोहित शर्मा,शिखर धवन, विरेन्द्र सहवाग लगाएत अन्य ९ ब्याटम्यानले डेब्यूमै शतक प्रहार गरेका थिए ।

पहिलो दिनको दोस्रो शेसनको ५० ओभर २ बलमा देबेन्द्र बिशूको बलमा आउट हुनु अघि शा ले १ सय ५४ बलमा १९ चौका प्रहार गर्दै १ सय १३४ रनको सानदार इनिङ खेले । दोस्रो विकेटका लागि शा र पुजाराले २ सय ६ रनको साझेदारी गर्दै भारतलाई विसाल योगफल तर्फ डोराउने काम गरे । १३० बलको सामना गरेका पुजराले १४ चौका प्रहार गर्दै ८६ रनमा रनमा आउट भए ।

अजिंका रहाणे ४१ रनमा आउट हुदाँ केएल राहुल डक आउट शिकार बने । कोहली ७२ र ऋषभ पन्त १७ रनमा नट आउट रहेका छन् । पहिलो दिन वेस्ट इन्डिका रोस्टन चेस,शैनन गेब्रियल,शेरमान लुईस र देवेन्द्र बिशू समान एक एक विकेटका लिएका छन् ।