एजेन्सी – बंगलादेशमा जारी एसीसी यू–१९ एसिया कपको पहिलो सेमिफाइनल खेलमा बंगलादेशलाई २ रनको झिनो अन्तरले पराजित गर्दै भारत फाइनलमा पुगेको छ ।

भारतले दिएको १ सय ७३ रनको सामान्य लक्ष्य पक्ष्याएको बंगलादेश ४६ ओभर २ बलमा अल आउट हुँदै मात्र १ सय ७० रन बनाउन सक्यो । बंगलादेशका लागि एमडी शमीम होसैन ५९,एमडी अकबर अली ४५ र महमूदुल हसन जयले २५ रन बनाउँदै टोलीको हार टार्न खोजे पनि अन्य कुनै पनि ब्याटम्यानले राम्रो प्रर्दशन गर्न नसक्दा घरेलु मैदानमै सेमिफाइनलबाट बाहिरिनु परेको हो । बंगलादेशलाई सस्तैमा रोक्दै भारतलाई फाइनलमा पुर्याउन मोहित जन्ग्रा र सिद्धार्थ देसाईले समान तीन विकेट लिदाँ हर्ष त्यागिले २ विकेट लिए ।

टस जितेर पहिला ब्याटिङ गरेको भारतले ४९ ओभर ३ बलमा अल आउट हुँदै मात्र १ सय ७२ रन बनाउन सकेको थियो । उस्का लागि अनुज राउत ३५, यशस्भी जैसवाल ३७,आयुष बडोनी २८ र समिर चौधरीले ३६ रन बनाउन बाहेक अन्य कुुनै पनि ब्याटम्यानले राम्रो प्रर्दशन गर्न सकेनन् । बंगलादेशका एमडी शोरिफुल इस्लाम ३,मोहम्मद मित्तुनजय,मोहमम्द रसिद र कप्तान एमडी ताहिद हिराइडले समान दुई विकेट लिएपनि टिमलाई जिताउन सकेनन् । अब भारतले उपाधिको लागि शुक्रबार हुने अफगानिस्तान र श्रीलंकाबीचको विजेतासँग अक्टोबर ७ मा खेल्ने छ ।

जारी यू–१९ एसिया कपमा नेपाली टोलीको पनि सहभागिता रहेको थियो । समुह चरणमा भारतसँग १ सय ७१ र अफगानिस्तानसँग ३ विकेटले पराजित हुदैँ समुह चरणबाटै बाहिरिएको हो । समुह चरणको अन्तिम खेलमा नेपालले युएईलाई ३ विकेटले पराजित गर्दै एसिया कप सुखद अन्त्य गरेको थियो ।