काठमाडौँ – मलेसियामा बुधबार सुरु हुने सुरु हुने टी–२० विश्वकपको उप–क्षेत्रिय छनोट प्रतियोगिता खेल्न नेपाली राष्ट्रिय क्रिकेट टोली आज मलेसिया तर्फ प्रस्थान गरेको छ ।

प्रतियोगिताको उपाधि जित्ने लक्ष्य सहित टोली मलेसिया प्रस्थान गरेको हो । नेपाली टोलीका टेक्नीकल म्यानेजर रमन शिवाकोटीका अनुसार नेपाल दिउँसो १ वजे मलेसिया प्रस्थान गरेको हो ।

प्रतियोगितामा नेपाल सहित, आयोजक मलेसिया,चीन,सिंगापुर, भुटान,थाइल्यान्ड र म्यानमार रहेका छन् । प्रतियोगितामा नेपाल भन्दा अन्य टोली तुलानात्मक रुपमा कमजोर रहेका छन् । एक महिना अघि मलेसियामा नै खराव प्रर्दशन गर्दै एसिया कप गुमाएको नेपालले त्यो प्रर्दशन बिर्सर्दै उत्कृष्ट प्रर्दशन गर्ने अनुमान गरिएको छ ।

यस पटक ओपनिङ ब्याटिङ अनिल कुमार शाह,विनोद भण्डारी र प्रदिप ऐरी मध्य दुईले गर्ने संभावना उच्च रहेको छ । नेपालले आफ्नो पहिलो खेल अक्टोबर ३ मा म्यान्मारसँग खेल्दै प्रतियोगिताको सुरुवात गर्ने छ । यस्तै दोस्रो खेल मलेसियासँग अक्टोबर ६, तेस्रो खेल अक्टोबर ७ मा थाइल्याण्डसँग, चौथो खेल अक्टोबर ९ मा भुटानसँग ,पाँचौ खेल अक्टोबर १० चीनसँग र अन्तिम तथा छैठौं खेल अक्टोबर १२ मा सिंगापुरसँग खेल्ने छ ।

यस उप क्षेत्रबाट शिर्ष ३ टोलि एसियाली क्षेत्रिय छनोट प्रतियोगिताका लागि छनोट हुने छन् । पूर्वी र पश्चिमी क्षेत्रको छनोटबाट छानिएका ३/३ देशले क्षेत्रीय छनोट प्रतियोगिता खेल्नेछन् । यसअघि नै एसिया “ए” उप–क्षेत्रबाट (पश्चिमी )युएई, कुवेत र कतार छनोट भैसकेका छन् । जसबाट उत्कृष्ट २ टिमले टि–२० बिश्वकपको ग्लोबल छनोट खेल्ने छन् ।

नेपाली टोली :

१.पारस खड्का (कप्तान)

२. ज्ञानेन्द्र मल्ल (उपकप्तान )

३. अनिल कुमार साह

४.बसन्त रेग्मी

५.बिनोद भण्डारी

६.दिपेन्द्र सिंह ऐरी

७. करन केसी

८.ललित भण्डारी

९.ललितनारायण राजबंशी

१०.मोहमम्द आरिफ शेख

११.प्रदिप ऐरी

१२.सन्दीप लामिछाने

१३.शरद भेसावकर

१४. सोमपाल कामी

प्रशिक्षक : जगत टमाटा

ब्यबस्थापक : रमन शिवाकोटी

फिजियो : दिनेश भट्ट