काठमाडौं (हाम्रो खेलकुद) – मलेसियामा हुने टी ट्वान्टी विश्वकपको एसिया उप क्षेत्रिय छनोटको लागि १४ सदस्यीय नेपाली टोलीको आइतबार घोषणा भएको छ । छनोट अक्टोबर ३ देखि १२ गते सम्म आयोजना हुनेछ ।

प्रदीप ऐरी । फाइल तस्बिर

टोलीमा ३ बर्षपछि प्रदीप ऐरीले कमब्याक गरेका छन् । खराव प्रर्दशनका कारण सन् २०१५ पछि प्रदिप राष्ट्रिय टोलीबाट बाहिर रहेका थिए । त्यस्तै युरोप भ्रमणको बेला हातमा चोटका कारण एसिया कप छनोट गमाएका शरद भेषावकरले पनि टोलीमा पुनरागमन गरेका छन् । ईसीसी प्रतिनिधि अमिनुल इश्लाम, प्रशिक्षक जगत टमाटा र कप्तान पारस खड्काले चयन गरेको हो ।

नेपाली टोली

१.पारस खड्का (कप्तान)
२. ज्ञानेन्द्र मल्ल (उपकप्तान )
३. अनिल कुमार साह
४.बसन्त रेग्मी
५.बिनोद भण्डारी
६.दिपेन्द्र सिंहऐरी
७. करन केसी
८.ललित भण्डारी
९.ललित राजबंशी
१०.मोहमम्द आरिफ शेख
११.प्रदिप ऐरी
१२.सन्दीप लामिछाने
१३.शरद भेसावकर
१४. सोमपाल कामी

बैकल्पिक खेलाडी – सागर पुन, सुनिल धमला, दिपेश श्रेष्ठ शाहब आलम

प्रशिक्षक – जगत टमाटा , ब्यबस्थापक स् एनालिस्ट – रमन शिवाकोटी, फिजियो – दिनेश भट्ट

यसैबीच, नेपाली टोली सोमबार दिउसो १ बजे मलेसिया प्रस्थान गर्ने बताइएको छ ।

खेल तालिका
नेपालले आफ्नो पहिलो खेलमा अक्टोबर ३ मा म्यान्मारको सामना गर्नेछ । यस्तै दोस्रो खेल मलेसिया विरुद्ध अक्टोबर ६ मा खेल्नेछ । तेस्रो खेल अक्टोबर ७ मा थाइल्याण्डसँग, चौथो खेल अक्टोबर ९ मा भुटानसँग प्रतिस्पर्धा गर्नेछ । त्यस्तै पाँचौ खेल अक्टोबर १० मा चिनसँग तथा छैटौं तथा अन्तिम खेल अक्टोबर १२ मा सिंगापुरविरुद्ध खेल्नेछ ।

विश्वकप यात्रा

यस उप क्षेत्रबाट शिर्ष ३ टोलि एसियाली क्षेत्रिय छनोट प्रतियोगिताका लागि छनोट हुने छन् । पूर्वी र पश्चिमी क्षेत्रको छनोटबाट छानिएका ३र३ देशले क्षेत्रीय छनोट प्रतियोगिता खेल्नेछन् । यसअघि नै एसिया “ए” उप–क्षेत्रबाट ९पश्चिमी ० युएई, कुवेत र कतार छनोट भैसकेका छन् । जसबाट उत्कृष्ट २ टिमले टि–२० बिश्वकपको ग्लोबल छनोट खेल्नेछन् ।

ग्लोबल छनोटमा आईसीसीको वरियतामा २०१८ डिसेम्बरसम्म ११ देखि १६ नम्बरमा रहेका टिम र विभिन्न क्षेत्रबाट उत्कृष्ट भएर आएका ८ टिमले गरि कुल १४ टिमले प्रतिस्पर्धा गर्नेछन् । आईसीसीको टी– २० वरियतामा उत्कृष्ट ९ टिम र आयोजक अस्ट्रेलिया गरि १० टिम टि–२० विश्वकप खेल्न स्वतः छनोट हुनेछन् । ग्लोबल टी–२० बिश्वकप छनोटबाट उत्कृष्ट ६ टिम गरि कुल १६ टिम टि – २० बिश्वकप खेल्ने छन्।