ढाका (एजेन्सी ) – यू –१९ एसीसी एसिया कप क्रिकेटमा अहिले भारत र नेपालबीचको खेल जारी रहेको छ ।

बंगलादेशमा टस जितेर पहिला बलिङ गरेको नेपालले खराव प्रर्दशन गरेको छ । यो समचार तयार पार्न सम्म भारतले २६ ओभरमा २ विकेटको क्षतिमा १३७ रन बनाएको छ । देभदत्त पडिक्कल र यशस्भी जैसवाल नेपाली बलरको सामना गर्न ओपनिङ ब्याटिङ गर्न मैदान उत्रेका थिए । यी दुई जोडीले पहिलो विकेटका लागि १७ औँ ओभर सम्म ८३ रनको साझेदारी गर्दै भारतलाई उत्कृष्ट सुरुवात दिलाए । १७ औँ ओभरको अन्तिम बलमा भिम सार्कीले यी दुई जोडीको पाट्नरशिप ब्रेक्र गर्दिए । भि.मले आफ्नो स्पेलको पहिलो ओभरमै पडिक्कललाई ४३ बलमा ३ चौका प्रहार गरेर खेली रहेको अवस्थामा एलपी डब्लुको धरापमा पार्दै ३० रनमा पेभिलिएनको बाटो देखाए ।

दोस्रोविकेटका रुपमा कप्तान पवन शाहलाई २२ ओभर १ बलमा भिमको हातबाट क्याच आउट गराउदै सन्दीप जोराले १३ रनमा पेभिलिएन फर्काइ दिएका छन् । त्यस्तै अर्का ओपनर यशस्भी जैसवालले ८४ बलमा ४ चौका र ५ छक्का प्रहार गर्दै ७७ रन बनाई खेली रहेका छन् । जैसवाललाई प्रभा सिमर सिंहले १४ रन बनाई साथ दिई रहेका छन् । नेपालका लागि भिम र सन्दीप जोराले समान एक एक विकेट लिएका छन् । नेपालले आफ्ना ७ जना बलर प्रयोग गरि सकेको छ ।