ढाका (एजेन्सी ) – बङ्गलादेशमा आज (शनिबार) बाट सुरु हुने एसीसी यू–१९ एशिया कपमा नेपालले चिरपरिचित प्रतिद्वन्द्वी भारतसँग खेल्दै छ । खेल नेपाली समय अनुसार बिहान ८ः४५ बजेबाट बाट सुरु हुने छ । नेपालले अहिले सम्म भारतलाई १ पटक मात्र पराजित गरेको छ , भने अन्य कुनैपनि खेलमा जित निकाल्न सकेको छैन ।

नेपालले गत संस्करणको समूह चरणको खेलमा भारतलाई १९ रनले पराजित गर्दै ऐतिहासिक जित निकालेको थियो । प्रतियोगितामा नेपाल समूह ‘ए’ मा रहेको छ । नेपालको समूहमा भारत, अफगानिस्तान र संयुक्त अरब इमिरेट्स (युएइ) छन् । त्यस्तै समूह बी मा श्रीलङ्का, बङ्गलादेश, पाकिस्तान र हङकङ छन् ।

सधैँ ब्याटिङमा कमजोर देखिने नेपालको ब्याटिङ बलियो बनाउनकै लागि राष्ट्रिय टोलीबाट खेली सकेका रोहित कुमार पौडेललाई पनि यस पटक यू– १९ टोलीमा समावेश गरिएको छ । रोहितले मिडिल अडरको रुपमा ब्याटिङ समाल्ने प्रयास गर्ने छन् । रोहित परिस्थीति अनुसार आक्रमक र रक्षात्मक दुबै खेल्न सक्ने भरपर्दा ब्याटम्यान हुन् ।

नेपाललाई डिभिजन २ बाट एक दिवसिय विश्वकप छनोट हुदैँ वान डे मान्यता पाउन सम्म उनको प्रर्दशन निकै महत्वपूर्ण रहेको छ । यस पटक नेपाली टोलीमा देब्रे हाते स्पिनर सुर्य तामाङ नयाँ अनुहार हुन् भने अन्य सबै खेलाडी यू–१९ बाट खेली सकेका खेलाडी रहेका छन् । नेपालले दोस्रो खेल आगमी विहिबार अफगानिस्तान र शुक्रबार युएईसँग खेल्ने छ ।  शिर्ष दुई टोली सेमिफाइनल पुग्ने छन् । नेपालको पहिलो लक्ष्य सेमिफाइन सम्म पुग्ने रहेको प्रशिक्षक विनोद दासले बताएका छन् ।

नेपाली टोली -मोहम्मद आसिफ शेख (कप्तान) कमल सिहं ऐरी,रोहितकुमार पौडेल, रवी शाह, सूर्य तामाङ, पवन शर्राफ, रवीन्द्रजङ्ग शाही, रासिद खान, भीम सार्की, तृतराज दास, सन्दिप जोरा, नन्दन यादव, रीत गौतम, सागर ढकाल र अरुण ऐरी छन् ।

विनोद दास -मुख्य प्रशिक्षक

मनोक कट्वाल -प्रशिक्षक

शक्ति गौचन -व्यवस्थापक

विक्रम न्यौपाने -फिजियो