काठमाडौं (हाम्रो खेलकुद) – आगामी कात्तिक दोस्रो साताबाट पोखरामा हुने पोखरा प्रिमियर लिग (पीपीएल)  टी–२० क्रिकेट प्रतियोगितामा कुल १७९ खेलाडीले नाम दर्ता गराएका छन् । आयोजक क्विन्स इभेन्ट्स प्रा.लिका अनुसार क्याप्ड सिनियरमा ३०, क्याप्ड एज लेभलमा ५७, र अनक्याप्डमा ९२ खेलाडीले नाम दर्तागराएका छन् ।

क्याप्ड सिनियरमा नेपालको सिनियर राष्ट्रिय टोलीबाट प्रतिनिधित्व गरेका खेलाडीलाई राखिएको छ । क्याप्ड एज लेभलमा नेपालको उमेर समूह ९यू–१५, यू–१७, यू–१९, यू–२१ र यू–२३० टोलीको प्रतिनिधित्व गरेका खेलाडी छन् । अनक्याप्ड श्रेणीमा नेपालको राष्ट्रिय र उमेर समूहको टोलीबाट खेलेका बाहेकका खेलाडी छन् । क्याप्ड सिनियर खेलाडीको न्यूनतम मूल्य रु ५० हजार राखिएको छ भने अधिकतम मूल्य रु दुई २ लाख ५० हजार राखिएको छ । क्याप्ड एज लेभलको न्यूनतम मूल्य रु ५० हजार र अधिकतम मूल्य रु एक लाख ५० हजार निर्धारण गरिएको छ । अनक्याप्ड श्रेणीको न्यूनतम मूल्य रु ३० हजार र अधिकतम मूल्य रु एक लाख छ ।

पीपीएलमा ६ शहरका ६ टिम रहेका छन् । चितवन राइनोज, विराटनगर टाइटन्स्, बुटवल ब्लास्टर्स, पोखरा पल्टन, एक्पर्ट धनगढी ब्लुज र हुलास काठमाडौँ रोयल्सले खेल्नेछन् । पीपीएलमा हरेक टिमले न्यूनतम १५ खेलाडी र अधिकतम १८ खेलाडी आबद्ध गर्नु पर्नेछ । ६ टिमले आ–आफ्ना १– १ मार्की खेलाडी घोषणा गरि सकेका छन् ।

चितवन राइनोजका मार्की प्लेयर पारस खड्का,विराटनगर टाइटन्स् सन्दीप लामिछाने,बुटवल ब्लास्टर्स,सोमपाल कामी,पोखरा पल्टनमा शरद भेषवाकर र एक्पर्ट धनगढी ब्लुजका दीपेन्द्रसिंह ऐरी रहेका छन् । त्यस्तै हरेक टिमले २ जना विदेशी खेलाडी र २ जना स्थानीय खेलाडीलाई राख्नै पर्ने हुन्छ । अक्सन असोज १३ गते काठमाडौँमा हुने क्विन्स इभेन्ट्स प्रा.लिका म्यानेजर छुम्बी लामाले जानकारी दिए ।