आबुधावी (एजेन्सी)-युएईमा जारी एसिया कप क्रिकेटको सुपर फोरको अन्तिम खेलमा बंगलादेशले पाकिस्तानलाई २ सय ४० रनको लक्ष्य दिएको छ । युएईको आबुधावीमा टस जितेर पहिला ब्याटिङ गरेको बंगलादेश ४८ ओभर ५ बलमा अल आउट हुदैँ २ सय ३९ रन बनाउन सक्यो । बंगलादेशको सूरुवात भने खराव रह्यो ।

पहिलो विकेट २ ओभर ५ बलमा जुनैद खानले फकर जमानको हातबाट क्याच आउट गराउदै सौम्य सरकारलाई ० रनमा पेभिलिएनको बाटो देखाए । दोस्रो विकेटका रुपमा २ ओभर ५ बलमा मोमिनुल हकलाई ५ रनमा गुमाएको थियो । हक शाहीन शाह अफ्रिदीको बोल्ड आउटको शिकार भए ।

त्यस्तै ४ ओभर २ बल लिटन दास जुनैद खानको बलमा बोल्ड हुदैँ ६ रनमा आउट भएपछि बंगलादेश ५ ओभर १२–३ को दयनिय स्थितिमा पुगेको थियो । तर चौथो विकेटका लागि मोहमम्द मिथुन र मुश्फिकर रहिमले १४४ रनको शतकीए साझेदारी गर्दै बंगलादेशलाई संकटबाट विशाल योगफतर्फ बढाए । शतक बनाउन मात्र एक रनले चुकेका रहिमले ११६ बलमा ९ चौकाको सहयोगमा ९९ रनमा आउट भए ।

रहिम ४१ ओभर ४ बलमा शाहीन शाह अफ्रिदीले कप्तान शरफराजको हातबाट क्याच आउट गराउदैँ ९९ रनमा पेभिलिएन फर्काए । मिथुनले ८४ बलमा ४ चौका प्रहार गर्दै ६० रन बनाए । बंगलादेशका अन्य महामुदुल्लाह २५ , इमरुल कायेस ९,मेहन्दी हसन मिराज १२ र कप्तान मशरफी मुर्तजा १३ रन बनाए ।

पाकिस्तानको लागि जुनैद खानले उत्कृष्ट बलिङ गरे । उनले ९ ओभरमा १ मेडन राख्दै १९ रन खर्चेर ४ विकेट लिए । त्यस्तै शाहीन शाह अफ्रिदी र हसन अलीले समान २ विकेट लिदा सादव खानले १ विकेट लिए । आजको विजेता टोली फाइनलमा प्रवेश गर्ने छ । भारत यस अघिनै फाइनल पुगि सकेको छ । फाइनल असोज १२ गते हुने छ ।