युएई (एजेन्सी)- ओपनर मोहम्मद शहजादले उत्कृष्ट शतक प्रहार गरेपछि युएईमा जारी एसिया कप क्रिकेटको सुपर फोर खेलमा अफगानिस्तानले भारतलाई २ सय ५३ रनको लक्ष्य दिएको छ । दुबईमा टस जितेर पहिला ब्याटिङ गरेको अफगानिस्ताने निर्धारित ५० ओभरमा ८ विकेटको क्षतिमा २ सय ५२ रन बनाउन सक्यो ।

अफगानिस्तानका लागि ओपनर सहजाद र जावेद अहमदीले उत्कृष्ट सुरुवात गरे । सहजाद आक्रमक खेल्दा जावेद रक्षात्मक खेलेका थिए । पहिलो १० ओभरमा यी दुई जोडीले ६३ रन बनाउदै भारतीय बलरलाई पूर्ण रुपमा दबाबमा राख्ने काम गरे । पहिलो विकेटका रुपमा अहमदी १२ ओभर ४ बलमा ५ रन बनाएर खेली रहेको अवस्थामा रविन्द्र जडेजाको बलका महेन्द्र सिंह धोनीको स्टिमपिङको सिकार भए ।

त्यसपछि दोस्रो विकेटका रुपमा रमात शाह १४ ओभर ४ बलमा जडेजाकै शिकार हुदैँ ३ रनमा पेभिलिएन फर्किए । त्यस्तै १५ ओभर २ बलमा हस्मतुल्लाह शाहिदी र ३ बलमा कप्तान अस्गर अफ्घानीलाई कुलदीप यादवले ० रनमा पेभिलिएन फर्काएपछि भारत खेलमा फर्किको थियो । भारतीय बलर सामु खुलेर खेलेका सहजादले १ सय१६ बलमा ७ छक्का र ११ चौका प्रहार गर्दै १ सय २४ रनमा आउट भए ।

सहजाद ३७ ओभर ५ बलमा केधार जाधवको बलमा दिनेश कात्तिकको हातबाट क्याच आउटको शिकार भए । त्यस्तै सातौ विकेटका लागि महोमम्द नाबी र नजीबुल्ला जद्रान ७ ओभरमा ४६ रनको महत्वपूर्ण साझेदारी गर्दै अफगानिस्तानलाई विशाल योगफल तर्फ डोर्याए । भारतीय बलर सामु महोम्मद नाबी पनि खुलेर आक्रमक ब्याटिङ गरे ।

नाबीले ५६ बलमा ३ चौका र ४ छक्का प्रहार गर्दै ६४ रनमा आउट भए । अफगानिस्तानका अन्य ब्याटम्यान जद्रान २०, गुल्बदीन नाइब १५,अफ्तब आलम २ र रसिद खानले १२ रनमा नट आउट रहे । भारतका लागि रविन्द्र जडेजा ३,कुलदीप यादव २ लिदाँ केधार जाधव,खलील अहमद र दिपक चाहरले समन १ विकेट लिए । यद्यपी आजको खेल प्रतिष्ठाको लडाई मात्र हुने छ । भारत फाइनलमा पुगि सकेको छ भने अफगानिस्तान सुपर फोरबाटै बाहिरि सकेको छ ।