एजेन्सी – युएईमा जारी सुपर फोरको पाँचौ खेलमा उपाधिको प्रमुख दाबेदार भारत र अफगानिस्तान भिड्दै छन् । खेल प्रतिष्ठाको लडाइ मात्र हुने छ । भारत फाइनल प्रवेश गरि सकेको छ भने अफगानिस्तान सुपर फोरबाटै बाहिरि सकेको छ ।

खेल नेपाली समय अनुसार बेलुका ५ : १५ बाट युएईको दुबईमा सुरु हुने छ । अफगानिस्तान सुपर फोरबाटै बाहिरिए पनि जारी एसिया कपमा प्रर्दशन भने सानदार रह्यो । अफगानिस्तानले समुह चरणमा बंगलादेशलाई १३६ र श्रीलंकालाई ९१ रनले पराजित गर्दै समुह ‘बी’को विजेता हुदैँ फुपर फोरमा प्रवेश गरेको हो । फुपर फोरमा कडा टक्कर दिएपनि अन्तिम ओभर झिनो अन्तरले पराजित हुँदा फाइनल यात्रमा पुणविराम लागेको हो ।

सुपर फोरमा पाकिस्तानसँग ३ विकेट र बंगलादेशसँग ३ रनले पराजित भएपछि सुपर फोरबाटै घर फर्किनु परेको हो । समुह चरणमा हङकङसँगको प्रर्दशन पछि नराम्रोसँग झस्केको भारतले उत्कृष्ट प्रर्दशन गरि रहेको छ । हङकङसँग हारको नजिक पुगेको भारतले अन्तिममा कठिन जित निकालेको थियो । भारत २६ रनले विजयी भएको थियो । त्यस्तै समुह चरणमा पाकिस्तानलाई ८ विकेटले पराजित गर्दा सुपर फोरमा बंगलादेशलाई ७ र पाकिस्तानलाई ९ विकेटले पाखा लगाउदै एक खेल अगाडीनै फाइनल यात्रा तय गरेको थियो ।

अब बुधबार हुने पाकिस्तान र बंगलादेशबीचको विजेता टोली उपाधिको लागि भारतसँग असोज १२ गते भिड्ने छ ।