एजेन्सी – एसिया कप क्रिकेटको सुपर फोर खेलमा आज उपाधिका दुई प्रमुख दावेदार टोली भारत र पाकिस्तान भिड्दै छन् । आज सुपर फोरकै अर्को खेलमा अफगानिस्तान र बंगलादेशको खेल भएपनि यो खेल निकै महत्त्वका साथ हेरिएको छ । खेल नेपाली समय अनुसार बेलुका ५ : १५ बाट दुबईमा सुरु हुने छ ।

आन्तरिक द्वन्दका कारण एक अर्का देशबीच श्रृंखला खेल्न नमान्ने यी दुई देश प्राय यस्तै ठूला प्रतियोगिातमा मात्र भिड्ने गर्दछन् । समुह चरणमा भारतसँग ८ विकेटले पराजित भएको पाकिस्तान खेलमा केहि सुधार गर्ने आसा गरिएको छ । सन् २०१७ जुनमा इङ्ल्यान्डमा सम्पन्न च्याम्पियन्स ट्रफीको फाइनलमा पाकिस्तानले भारतलाई १८० रनको पराकिलो अन्तरले हराउँदै उपाधि जितेको थियो ।

पाकिस्तानले पछिल्लो समय खेलमा निकै सुधार र उत्कृष्ट प्रर्दशन गर्दै आएको छ । तर जारी प्रतियोगितामा विश्फोटक ब्याट्सम्यान फखर जमान, तीव्र गतिका बलर मोहमद अमिर र हसन अली जस्ता मुख्य खेलाडी चल्न नसक्दा
सोचे जस्तो प्रर्दशन गर्न भने सकिरहेको छैन । त्यस्तै भारतीय टिममा रन मेसिनको उपनामले चिनिने कप्तान विराट कोहलीलाई एसिया कपमा आराम दिएको छ । अलराउण्डर हार्दिक पाण्ड्या समुह चरणको खेलमा पाकिस्तानबीरुद्ध फिल्डीङ गर्ने क्रममा घाइते भएपछि एसिया कप गुमाउने भएका छन् ।  यी दुई खेलाडीको अभाव टिममा देखिन सक्ने देखिएको छ ।

पाकिस्तानले भारतको यी कमजोर पाटोको फाइदा उठाउन सक्छ । हालसम्म भारतले ५ र पाकिस्तानले २ एसिया कपको उपाधि जितेका छन् । एसिया कपमा भारत र पाकिस्तान ११ पटक भिडेका छन् । जस्मा भारत ७ मा जित र ४ खेलमा पराजित भएको छ । त्यस्तै १२५ वान डे खेलमा पाकिस्तान ७३ खेलमा विजयी हुदाँ ५२ खेलमा पराजित भएको छ । वान डे विश्वकपमा भने पाकिस्तानले भारतलाई हराउन सकेको छैन । ६ खेलमा ६ खेलमानै पराजित भएको छ ।