अफगानिस्तानका स्पिनर राशिद खान आईसीसीको कारवाहीमा

एजेन्सी – एसिया कप क्रिकेट प्रतियोगिता अन्तर्गत शुक्रबार भएको अफगानिस्तान र पाकिस्तनाबीचको सुपर फोर खेलमा आईसीसीको आचार संहिता नियम उलंघन गरेको भन्दै आइसीसीले अफगानिस्तानका स्पिनर रशिद खानलाई कारवाही गरेको छ । उनीसँगै पाकिस्तानका तिब्र गतिका बलर हसन अली र अफगानिस्तानका कप्तान अस्गर अफ्घान पनि कारवाहीमा परेका छन् ।

आइसीसीले कारवाहीस्वरुप पारिश्रमीकको १५ प्रतिशत जरिवाना गर्ने निर्णय गरेको छ । अली र अस्गरले आईसीसीको आचार संहिता धारा २.१.१ खेल भावना विपरीत ब्यवहार गरेको भन्दै कारबाहि गरेको हो । हसन अलीले ३७ औं ओभरमा तथा अस्गरले ३३ औं ओभरमा खराब व्यवहार प्रस्तुत गरेका थिए । रसिद खानले आईसीसीको आचार संहिता धारा २.१.७ उलंघन ४७ औँ ओभरमा गरेका थिए ।

रसिद र हसन आईसीसीको पहिलो पटक खेल भावना विपरित व्यवहार गरेका हुन् भने अस्गरले सन् २०१७ मा जिम्बाबेविरुद्ध वान डे खेलमा अम्पाएरले दिएको निर्णयमाथि असहमति देखिाएपछि कारवाहीमा परेका थिए । रोमाञ्चक खेलमा पाकिस्तानले अफगानिस्तानलाई ३ विकेटले पराजित गरेको थियो । सुपर फोरका खेलमा आईतबार भारतले पाकिस्तानको सामना गर्ने छ भने अफगानिस्तानले बंगलादेशसँग भिड्ने छ ।

अफगानिस्तानका स्पिनर राशिद खान आईसीसीको कारवाहीमा

Latest News

Popular News

क्रिकेट

कुशल सम्मिलित डेजर्टको लगातार चौथो जित

रुपन्देही सुपर लिग – ‘ए’ डिभिजनमा वेष्टर्न विजयी सुरुवात

महिला पिएम कप – लुम्बिनीले कर्णालीलाई हरायो

चर्चित खेलहरु:

उपयोगी लिङ्कहरू

सम्पर्क

सामाजिक संजाल