काठमाडौं (हाम्रो खेलकुद) – आइसीसी विश्व टी–२० एसिया छनोटको लागि नेपालको प्रारम्भिक टोलीको घोषणा भएको छ ।

अर्काे महिना मलेसियामा आयोजना हुने प्रतियोगिताका लागि तीन सदस्यीय खेलाडी छनोट समितिले मंगबार पारस खड्काको कप्तानीमा १८ सदस्यीय नेपाली प्रारम्भिक टोलीको घोषणा गरेको हो । प्रारम्भिक टोलीमा दीपेश श्रेष्ठ, शाहव आलम र सुनिल धमलाले स्थान बनाएका छन् । रोहित कुमार पौडेल भने यु–१९ क्रिकेट टिममा छनोट भएका कारण प्रारम्भिक छनोटमा परेनन् ।

विश्व टी–२० क्रिकेट मलेसियामा अक्टोवर ३ देखि १२ तारिख सम्म हुदैछ । नेपाल समूह ‘बी’ मा रहेको छ । अन्तिम १४ सदस्यीय टोलीको घोषणा छिट्टै गरिने खेलाडी छनोट समितिले जनाएको छ । खेलाडी छनोट आएसीसी प्रतिनिधि अमिनुल इस्लाम, राष्ट्रिय टिमका मुख्य प्रशिक्षक जगट टमाटा र कप्तान पारस खड्काले गरेका हुन् । नेपालले बिहिबारबाट प्रशिक्षण थाल्नेछ ।

प्रारम्भिक नेपाली टोली

१. पारस खड्का (कप्तान)

२. ज्ञानेन्द्र मल्ल (उपकप्तान)

३. अनिल कुमार साह

४. बसन्त रेग्मी

५. विनोद भन्डारी

६. दीपेन्द्रसिंह ऐरी

७. दीपेश श्रेष्ठ

८. करण केसी

९. ललित भन्डारी

१०. ललित नारायण राजवंशी

११. मोहम्मद आरिफ शेख

१२. प्रदीप ऐरी

१३. सागर पुन

१४. सन्दीप लामिछाने

१५. शाहव आलम

१६. शरद भेषवाकर

१७. सोमपाल कामी

१८. सुनिल धमला