काठमाडौं, फागुन १५
आयोजक रुस्लान काठमाडौं क्रिकेट टे«निङ सेन्टर(केसीटिसी) ले शनिबारबाट सुरु भएको प्रथम रुस्लान क्रिकेट कप प्रतियोगितामा विजयी सुरुआत गरेका छन् । शनिबार त्रिवि मैदानमा भएको दोस्रो खेलमा आयोजक केसीटिसीले ग्रेट हिमालयन क्रिकेट एकेडेमीलाई १० विकेटको भारी अन्तरले पराजित गरेको हो ।

ग्रेट हिमालयनले दिएको ८२ रनको झनो लक्ष्य केसीटिसीले विना विकेट १६.१ ओभरमा पुरा ग¥यो । केसीटिसीका मनिस शाहनी ४५ तथा अश्चल चौधरी ३२ रनमा अविजित रहँदै निर्धारित लक्ष्य पुरा ग¥यो । यसअघि टस जितेर पहिले ब्याटिङ गरेको ग्रेट हिमालयनले १८.४ ओभरमा सबै विकेट गुमाएर ८१ रन मात्रै बनाउन सक्यो । प्रकाश विष्टले २५ तथा कृष्ण गजुरेलले ११ रन बनाउनु बाहेक अन्य ब्याट्सम्यानहरु केसीटिसीको कसिलो बलिङमा चल्न सकेन । केसीटिसीका दिलिप यादव र श्याम त्रिपाठीले तीन–तीन तथा रोविन क्षेत्री र प्रशन्न शाक्यले समान दुई–दुई विकेट लिएपछि ग्रेट हिमालयनको पारी धराशयी बनेको थियो ।
शनिबारै भएको पहिलो खेलमा पहिलो खेलमा क्यानोनले जि फोर्स क्रिकेट एकेडेमीलाई ८ रनको झिनो अन्तरले पराजित ग¥यो । क्यानोनले दिएको ११४ रनको लक्ष्य पछ्याएको जि फोर्सले निर्धारित २० ओभरमा ५ विकेट गुमाएर १०५ रनमात्र बनाउन सक्यो । जिफोर्सका लागि सुसन कार्कीले सर्वाधिक २९ रन तथा ओपनर ओविस शाहीले २४ रन र सरोज पौडेलले २३ रन बनाएपनि अन्यब्याट्ुम्यानले दोहोरो अंक छुन सकेन । क्यानोनका सञ्जीव महतोले दुई तथा भीमसेन रोकाय र दिपेन्द्र शाहले एक–एक विकेट लिए । यसअघि टस जितेर पहिले ब्याटि गरेको क्यानोनले निर्धारित २० ओभरमा ८ विकेट गुमाउदै ११३ रनको सामान्य योगफल तयार पारेको थियो ।
क्यानोनका लागि सुमन ठाकुरले ३० रनको योगदान दिए । पप्पु कुमार दासले अविजित २७ रनको योगदानमा सामन्य योगफल बनाएको थियो । सतिश सिंहले १५ रन बनाएपनि अन्य ब्याट्सम्यानले राम्रो प्रदर्शन गर्न सकेन । जिफोर्सका सरोज पौडेल एक्लैले पाँच विकेट लिएपनि त्यो जितको लागि पर्याप्त भएन । टेक लामा, नरेश थापा र आदित्य विकेले समान एक–एक विकेट लिए ।