7 years ago
September 14, 2018
काठमाडौं (हाम्रो खेलकुद) – पोखरा प्रिमियर लिग (पीपीएल) टी–ट्वान्टी क्रिकेट प्रतियोगिता हिमालय टेलिभिजनले प्रत्यक्ष प्रसारण गर्ने भएको छ ।
आयोजक क्वीन्स इभेन्टस्ले शुक्रबार राजधानीमा पत्रकार सम्मेलनको आयोजना गर्दै हिमालय टीभीसँग ३ वर्षको लागि सम्झौता गरेको हो । सम्झौतामा आयोजक क्वीन्स इभेन्ट्स म्यानेजमेन्टका प्रबन्ध निर्देशक छुम्बी लामा र टेलिभिजनका अध्यक्ष धर्मराज भुसालले हस्ताक्षर गरे ।
सम्झौताअनुसार टेलिभिजनले ३ वर्षसम्म नगद र खेल सामग्री गरी कुल ३ करोड ७० लाख रुपैयाँ पीपीएललाई दिनेछ । सम्भवत यो सम्झौता नेपाली क्रिकेटमा भएको सबैभन्दा ठूलो राशीको प्रसारण अधिकार हो ।
सम्झौताअनुसार पीपीएलको टीभी तथा सम्पूर्ण डिजिटल प्रसारण अधिकार हिमालय टेलिभिजनले पाएको छ । हिमालय टीभीले खेलाडी अक्सनदेखि नै पीपीएलको प्रत्यक्ष प्रसारण गर्नेछ ।
टेलिभिजनका अध्यक्ष भुसालले प्रतियोगिताको प्रत्यक्ष प्रसारण गर्न आवश्यक पर्ने सबै सामग्रीको व्यवस्था गरेर मात्रै सम्झौता गरिएको जानकारी दिए । क्वीन्स इभेन्ट्सका प्रबन्ध निर्देशक लामाले प्रत्यक्ष प्रसारणको लागि हिमालय टिभीलाई धन्यवाद दिँदै अब छिट्टै खेलाडीको अक्सन हुने जानकारी दिए ।
प्रतियोगिता पोखरा क्रिकेट मैदानमा आगामी कात्तिक ९ देखि २० गतेसम्म हुदैछ । प्रतियोगितामा पोखरा, काठमाडौं, विराटनगर, बुटवल, चितवन, धनगढी र नेपालगञ्ज गरी ६ वटा फ्रेन्चाइज टिमले प्रतिस्पर्धा गर्दैछन् ।
March 15, 2025
हिमाल खरेल,मेचीनगर थन्डर–११ झापाको मेचीनगर–४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताको फाइनल प्रवेश गरेको छ । आयोजक बाहुनडाँगी क्रिकेट क्लबलाई शनिवार ७६ रनले पराजित गर्दै थन्डर उपाधि नजिक पुगेको हो।सरस्वती माविको खेल मैदानमा टस हारेर पहिलो ब्याटिङ गरेको थन्डरले १९.५ ओभरमा सबै विकेट गुमाउँदै २ सय ५ रन बनाएको थियोे । थन्डरका लागि रोहित राजवंशीले […]
March 15, 2025
काठमाडौं(हाम्रो खेलकुद) – लुम्बिनी प्रदेश प्रहरीलाई पराजित गर्दै मधेश प्रदेश प्रहरी कार्यालयले प्रथम आइजिपी कप क्रिकेट प्रतियोगिताको उपाधि जितेको छ । मधेशले शनिवारको भएको फाइनलमा लुम्बिनीलाई १४ रनले पराजित गर्दै उपाधि जितेको हो । १ सय ६८ रनको लक्ष्य पछ्याएको लुम्बिनीले २० ओभरमा ९ विकेट गुमाएर १ सय ५३ रन मात्र जोड्न सक्यो । लुम्बिनीका […]
March 15, 2025
काठमाडौं (हाम्रो खेलकुद) – ओपनर तृतराज दासको शतकमा त्रिभुवन आर्मी क्लबले प्रधानमन्त्री (पिएम) कप पुरुष एकदिवसीय राष्ट्रिय क्रिकेट प्रतियोगितामा लगातार चौथो जित निकालेको छ । आर्मीले शनिवार कोशी प्रदेशलाई ७ विकेटकोले हराएको छ । २ सय ३१ रनको लक्ष्य आर्मीले ४७.१ ओभरमा ३ विकेट गुमाएर पूरा गर्यो । आर्मीको जितमा ओपनर तृतराज दासले नट आउट […]
