6 years ago
September 7, 2018
काठमाडौं (हाम्रो खेलकुद) – यसै महिना भारतको लखनाउमा हुने यू-१९ मैत्रीपूर्ण प्रतियोगिताका लागि नेपाली यू-१९ राष्ट्रिय क्रिकेट टोलीको घोषणा भएको छ । आगामी सेप्टेम्बर २९ देखि बंगलादेशमा हुने यू-१९ एसिया कपका लागि यो प्रतियोगिता तयारीको रुपमा रहेको छ । आसिफ शेखको कप्तानीमा रहेको टोलीमा १५ सदस्य रहेका छन् ।
मैत्रीपूर्ण प्रतियोगितामा ४ टोलीको सहभागिता रहनेछ । आयोजक भारत, अफगानिस्तान र नेपालको यू-१९ टोलीसँगै भारतको नेसनल क्रिकेट एकेडेमी (एनसीए) को टोलीले पनि यस प्रतियोगितामा सहभागिता जनाउनेछ । अफगानिस्तान यू-१९ एसिया कपको पछिल्लो संस्करणको विजेता हो । पाकिस्तानलाई फाइनलमा पराजित गर्दै अफगानिस्तानले उपाधि जितेको थियो ।
मलेसियामा भएको उक्त प्रतियोगितामा नेपाल सेमिफाइनलमा अफगानिस्तानसँग पराजित हुँदै घर फर्केको थियो । यद्यपी नेपालले त्यसबेला समूह चरणमा भारतलाई हराउँदै साविक विजेता भारतको यात्रा समूह चरणमा नै अन्त्य गरेको थियो । यसपटक पनि टोली कम्तिमा सेमिफाइनल पुग्ने लक्ष्यसहित बंगलादेश प्रस्थान गर्नेछ । यस मैत्रीपूर्ण प्रतियोगिताले टोलीको तयारीमा थप सहयोग पुगेको छ ।
एसिया कपको समूहमा नेपालसँगै साविक विजेता अफगानिस्तान, भारत र युएई रहेका छन् । अर्को समूहमा पाकिस्तान, श्रीलंका, आयोजक बंगलादेश र हङकङ रहेका छन् । नेपाल रहेको समूहको सम्पूर्ण खेल कक्स बजारस्थित शेख कमल अन्तर्राष्ट्रिय क्रिकेट मैदानमा हुनेछ ।
नेपाली टोलीमा पछिल्लोपटक यू-१९ एसिया कप खेलेका ६ खेलाडी रहेका छन् । यसबाहेक अन्य खेलाडी यू-१६ उमेर समूह र घरेलु लिगहरुमा सहभागिता जनाइसकेका छन् । टोलीको छनोट चार सदस्यीय समितिले गरेको हो । छनोट समितिमा आइसीसी प्रतिनिधि अमिनुल इस्लाम, प्रशिक्षक विनोद दास, सुनोज भट्टराई र राजु खड्का छन् ।
नेपाली टोली :
आसिफ शेख (कप्तान), तृतराज दास, रवी शाह, विपिन रावल, लोकेश बम, रित गौतम, पवन सर्राफ, किशोर महतो, रसिद खान, भीम शार्की, कमलसिंह ऐरी, सन्दीप जोरा, सागर ढकाल, अरुण ऐरी, सम्साद आलम
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]