यज्ञराज जोशी
काठमाडौ फागुन १२

धनगढी क्रिकेट एकेडेमी (डिसिए) को आतिथ्यमा क्रिकेटको शहर धनगढीमा मंगलबारबाट सुरु भएको डिसिए एनसिएस (नेशनल क्रिकेट स्कुल, काठमाडौ) क्रिकेट सिरिजको पहिलो खेलमा एनसिएसले घरेलु टोली डिसिएलाई ७ रनको झिनो अन्तरले पराजित गर्दै विजयी सुरुआत गरेको छ ।

टस जितेर पहिले ब्याटिङ रोजेको एनसिएसले ओपनर सुनिल थापाको ४९ रनको मदतले ४०.४ ओभरमा सवै विकेट गुमाएर १ सय ८१ रन बनायो । जितका लागि कप्तान जितेन्द्र ठकुरीले ३४ तथा उपकप्तान रित गौतमले २२ रनको योगदान दिए । डिसिएका अमित बुढाले ६ ओभरको स्पेलमा ३६ रन दिएर ४ विकेट लिए पनि उनले दिएको अतिरिक्त ११ रन डिसिएका लागी भारी पर्यो । त्यस्तै डिसिएका अमन पन्थि र टेकेन्द्र बोहराले समान दुई विकेट लिए ।
जवाफी ब्याटिङ उत्रेको डिसिएले कप्तान सुवोध ऐर १ रनले अर्धशतक चुक्दा त्यसको मुल्य समग्र टीमले चुकाउँनु पर्यो । ६१ बलमा ७ चौकाको मदतले ४९ रन बनाईरहँदा रन आउँट भएपछि उनीसँगै डिसिए पनि आजको खेलबाट आउँट भयो । डिसिएले४१.१ ओभरमा सवै विकेट गुमाएर १७३ रन मात्र बनाउँन सक्यो । ओपनर राजन ठकुरीले ३ चौका र १ छक्काको मदतले २१ रनको पारी खेल्दै राम्रो सुरुवात गरेपनि धनञ्जय शाहबाट बोल्ड हुदै पवेलिएन फर्किए । त्यस्तै यम कार्कीले २८, अमन पन्थिले २०, अमित बुढाले १२ रन बनाएपनि त्यो जितका लागि पर्याप्त भएन ।
भोली दुवै टोलीका विच विहान वान डे खेल हुनेछ ।