काठमाडौं (हाम्रो खेलकुद) – पाँचौ अल्टिमेट इन्डोर कर्पोरेट क्रिकेटको उपाधि सेन्चुरी बैंकले जितेको छ । सेन्चुरीले श्री एअरलायन्सलाई १ सय ९ रनले पराजित  गर्दै उपाधि जितेको हो । 

अल्टिमेट इन्डोर क्रिकेट मैदानमा शुक्रबार भएको फाइनलमा श्री एअरलायन्सलाई १ सय ९ रनले पराजित गर्दै सेन्चुरीले लगातार दोश्रो पटक उपाधि हात पारेको हो ।

फाइनल खेलमा टस जितेर ब्याटिङ गर्ने निर्णय गरेको श्रीले निर्धारित १२ ओभरमा ८० रन बनाएको थियो । श्रीको लागि सचिन श्रेष्ठले सर्वाधिक १९ रन बनाए भने बलिङतर्फ सेन्चुरीका सुरज तिमिल्सिना र रञ्जन खड्काले समान ३ विकेट लिए ।
८१ रनको लक्ष्य पछ्याउने क्रममा सेन्चुरीले १ सय ८९ रन बनाउदै खेल सहजै जित्यो । सेन्चुरीको लागि राजन खड्गीले सर्वाधिक ४४ रन तथा सुरज तिमल्सिनाले ४० रन बनाए । राजन फाइनल खेलको प्लेयर अफ द म्याच समेत घोषित भए ।

प्रतियोगिताको उत्कृस्ट खेलाडी सेन्चुरी बैंकका सुरज तिमल्सिना घोषित भए । सिटिजन्स बैंकका अमित बस्नेत उत्कृस्ट बलर तथा सेन्चुरीका राजन खड्गी उत्कृष्ट ब्याट्सम्यान घोषित भए । बिजेता खेलाडीहरुलाई राष्ट्रिय क्रिकेट टिमका पुर्व कप्तान बिनोद दासले पुरस्कृत गरे । प्रतियोगितामा १५ टिमलु सहभागिता जनाएका थिए ।