6 years ago
August 28, 2018
काठमाडौं (हाम्रो खेलकुद) – एसीसी एसिया कप छनोट प्रतियोगिता खेल्न नेपाली टोली सोमबार राती मलेसिया पुगेको छ । सेप्टेम्बर दोस्रो साता हुने एसिया कपमा यस छनोट प्रतियोगिताको विजेता टोली छनोट हुनेछ ।
एसिया कपको छनोटमा नेपालसहित आयोजक मलेसिया, युएई, हङकङ, सिंगापुर र ओमानले खेल्नेछन् । सबै टोलीले पहिलो चरणमा एक अर्काविरुद्ध खेल्ने छन् । पहिलो चरणको समाप्तिपछि शीर्ष २ टोलीले फाइनल खेल्नेछन् । फाइनल खेलको विजेता एसिया कपको लागि छनोट हुनेछ । नेपालले यस प्रतियोगिताका लागि श्रीलंकामा एक साता अभ्यास पनि गरेको छ । नेपालले खेलेका तीनै अभ्या खेल जित्दै तयारीका क्रममा लय समाएको छ ।
नेपालले ओमानसँग २९ अगस्टमा बायुमास ओभलमा खेल्नेछ । त्यसपछि ३० अगस्टमा युएईसँग किनरारा ओभलमा प्रतिस्पर्धा गर्नेछ । १ सेप्टेम्बरमा मलेसिया, २ सेप्टेम्बरमा सिंगापुर तथा ४ सेप्टेम्बरमा हङकङसँग खेल्नेछ । छनोटको विजेताले युएईमा हुने एसिया कपमा स्थान बनाउनेछ । विजेता भारत र पाकिस्तान रहेको समूह ‘ए’ मा पर्नेछ । एसिया कप १३ सेम्टेम्बर देखि २८ तारिखसम्म हुदैछ ।
नेपाली राष्ट्रिय क्रिकेट टोलीका कप्तान पारस खड्काले अभ्यास खेलका लागि श्रीलंका प्रस्थान गर्नुअघि एसिया कप छनोट अवसर र चुनौती दुवै रहेको बताए। ‘एसिया कप छनोट पक्कै पनि चुनौतीपूर्ण छ । यो एक सुन्दर मौका पनि हो । हामी त्यो सुन्दर मौकालाई गुमाउन चाहदैनौ ’ उनले भने, ‘हामी निरन्तर क्रिकेटमै छौं । हामी हाम्रो प्रदर्शनलाई एसिया कप छनोटमा पुरा प्रयोग गर्नेछौं । यस्ता अवसरहरु बारम्वार आउँदैन । एक टिमको रुपमा हामी एसिया कप छनोटको लागि तयार छौं ।’
नेपाली क्रिकेट टोलीः
पारस खड्का (कप्तान)
ज्ञानेन्द्र मल्ल (उपकप्तान)
बसन्त रेग्मी
सोमपाल कामी
सुबास खकुरेल
विनोद भण्डारी
दिपेन्द्र सिंह ऐरी
सन्दीप लामिछाने
करण केसी
ललित सिंह भण्डारी
अनिल कुमार शाह
ललित नारायण राजबंशी
सागर पुन
मोहम्मद आरिफ शेख
रोहित कुमार पौडेल
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]