6 years ago
August 27, 2018
काठमाडौं (हाम्रो खेलकुद) – एभरेष्ट प्रिमियर लिग (ईपीएल) क्लब चितवन टाइगर्सले दोस्रो संस्करणको इपीएल टी–ट्वान्टी क्रिकेट प्रतियोगिताको लागि दुई विदेशी खेलाडी अनुबन्ध गरेको छ । चितवनले इंग्ल्यान्डका प्रतिभाशाली युवा खेलाडी म्याक्स होल्डेन र न्युजिल्यान्डका जेम्स फुलरलाई अनुबन्ध गरेको हो ।
इंग्ल्यान्ड यू–१९ टोलीका पूर्व कप्तान १८ वर्षे होल्डेन ब्याटिङ अलराउन्डर र मिडलसेक्सका २८ वर्षे फुलर बलिङ अलराउन्डर हुन् ।
मिडल्सेक्सबाटै काउन्टी क्रिकेट खेल्दै आएका होल्डेनको ट्वान्टी–२० मा स्ट्राइक रेट १ सय ३७ माथि रहेको छ । ४४ प्रथम श्रेणीको म्याच खेलिसकेका फुलरले ट्वान्टी–२० मा ७६ म्याच खेल्ने क्रममा झन्डै १ सय ५० को स्ट्राइक रेटमा रन बनाउनुका साथै ९४ विकेट लिएका छन् ।
गत वर्षको प्रदर्शन सन्तोषजनक नभएपछि टिमलाई राम्रो बनाउन राम्रै खेलाडी लिने प्रयासमा दुई प्रतिभाशाली इंग्लिस खेलाडी अनुबन्ध गरेको चितवन टाइगर्सका मालिक किशोर भट्टराईले बताए । इपीएल नोभेम्वर तेस्रो साता काठमाडौंमा हुदैछ ।
चितवन टाइगर्सले पृथु बाँस्कोटालाई कप्तानमा यसअघि नै १२ खेलाडी घोषणा गरिसकेको थियो । त्यसमा मार्की खेलाडी दीपेन्द्रसिंह ऐरी सहित त्यस्तै अनिल मण्डल, दीलिप नाथ, सुनाम गौतम, सन्दीप सुनार, योगेन्द्रसिंह कार्की, भिम सार्की, ललितसिंह भण्डारी, कमलसिंह ऐरी, शाहव आलम, आकाश थापा र गौतम केसी रहेका छन् । आकाश थापा चितवनमा आयोजना गरेको ट्यालेन्ट हन्टबाट आएका खेलाडी हुन् ।
टोलीको प्रशिक्षकमा कलाम अली र टिम म्यानेजरमा सुवास खकुरेल रहेका छन् । टिमको अन्य तीन विदेशी खेलाडीमा भारतका प्रविण गुप्ता, सावेज खान र प्रमेश कुमार रहेका छन् । उनीहरु सबै रढाजी ट्रफी खेलिसकेका खेलाडीहरु हुन् ।
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
