6 years ago
August 26, 2018
ब्रिजटाउन (एजेन्सी) – नेपाली युवा लेग स्पिनर सन्दीप लामिछाने सम्मिलित सेन्ट किट्स एन्ड नेभिस प्याट्रिओट्स क्यारेविन प्रिमियर लिग (सीपीएलको शीर्ष स्थानमा उक्लिएको छ । ब्रिजटाउन बार्बाडोसमा भएको खेलमा बार्बाडोस ट्रिडेन्सलाई ६ विकेटले पराजित गर्दै सेन्ट किट्स लिगको शीर्ष स्थानमा उक्लिएको हो ।
सेन्ट किट्सले ५ खेलबाट ३ जितसहित ६ अंक जोडेको छ । उसले रन रेटमा ट्रिनबागो नाइट राइडर्स, गुयाना अमेजन वारियर्स र जमैका तल्लावलाई पछि पारेको हो ।
बार्बाडोसले दिएको १ सय ४८ रनको लक्ष्य सेन्ट किट्सले ७ बल बाँकी छदा ४ विकेट गुमाएर पूरा ग¥यो । शुरुमै ओपनर क्रिस गेललाई शुन्य रन र एभिन लेविसलाई एक रनमा गुमाएर दवावमा आएको सेन्ट किट्सको इनिङ्स ब्रान्डन किङ र डिभोन थोमसले सम्हालेका थिए । ब्रान्डनले ६० रन जोड्दा थोमसले ३२ रनको योगदान दिए । बेन कटिङ २९ रनमा तथा टोम कुपर १३ रनमा नटआउट रहे । मोहम्मद इरफानले २ तथा वाहव रियाज र एस्ले नर्सले समान १ विकेट लिए । मोहम्मदले आफ्नो स्पेलको चार ओभरमा ३ मेडन राख्दै १ रन दिएर दुई विकेट लिन सफल भएका थिए ।
यसअघि टस हारेर पहिले ब्याटिङको निम्तो पाएको बार्बाडोसले निर्धारित २० ओभरमा ७ विकेट गुमाएर १ सय ४७ रनको सम्मानजनक योगफल तयार पारेको थियो । बार्बाडोसका लागि जासोन होल्डरले ५४ रनको अर्धशतकीय इनिङ्स खेलेका थिए । शाइ होपले २६ रन जोडे । ड्याइन स्मिथ २० तथा मार्टिन गुप्तिलले १९ रन जोडे । एन्टोन डेभसिच र विन कटिङले समान दुई विकेट लिए । सेल्डन कटरेलले एक विकेट लिए । सन्दीप लामिछाने बार्बाडोसविरुद्धको खेलमा निकै महँगो सावित भए । आफ्नो स्पेलको चार ओभरमा सन्दीले ४३ रन खर्चदा एक विकेट पनि लिन सकेनन् ।
सेन्ट किट्सले २९ अगस्टमा गुयाना अमेजोन वारियर्ससँग खेल्नेछ । यो खेलबाट भने सन्दीप उपलब्ध हुने छैन । सन्दीप एसिया कप छनोटको लागि २८ अगस्टमा मलेसिया जानेछ ।
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
