6 years ago
August 22, 2018
काठमाडौं (हाम्रो खेलकुद)- एसिया कप क्रिकेटको छनोट खेल्ने तयारीमा रहेको नेपाली राष्ट्रिय क्रिकेट टिमले पहिलो अभ्यास खेलमा जित हात पारेको छ। नेपाली राष्ट्रिय क्रिकेट टिमले श्रीलंकाको स्थानिय श्रीलंका आर्मी स्पोर्टस् क्लबलाई ६७ रनले पराजित गरेको हो ।
पानागोडा क्रिकेट मैदानमा बुधबार भएको खेलमा नेपालले दिएको १ सय ९५ रनको लक्ष्य पछ्याएको श्रीलंका आर्मी ३६ ओभर १ बलमा १ सय २७ रनमा समेटियो । आर्मी स्पोर्टस्का जगथ राजापाक्साले ४६ रन बनाए । लाहिरी चामाराले २६ तथा प्रदीप राथानायाकाले १८ रन जोड्बाहेक अन्य ब्याट्सम्यानले नेपालको कसिलो बलिङमा दोहोरो रन बटुल्न सकेनन् ।
नेपालका सोमपाल कामी र बसन्त रेग्मीले समान ३ विकेट लिए । दीपेन्द्रसिंह ऐरीले २ तथा ललित नारायण राजवंशी र ललित भण्डारीले समान एक विकेट लए ।
त्यसअघि टस जितेर पहिले ब्याटिङ गरेको नेपालले ४८ ओभर ४ बलमा सबै विकेट गुमाएर १ सय ९४ रन बनाएको थियो । नेपालका लागि आरिफ शेखले ८९ रन बनाए । यस अभ्यास खेलमा कप्तानको जिम्मेवारी पाएका राष्ट्रिय टिमको उपकप्तान ज्ञानेन्द्र मल्लले २१ रन बनाए ।
बसन्त रेग्मी र विनोद भन्डारीले समान १६ रन जोडे । रोहितकुमार पौडेल १२, ललित भण्डारी ११ र सुवास खकुरेले १० रन जोडे । तीन ब्याट्सम्यान अनिल कुमार साह, दीपेन्द्रसिंह ऐरी र सोमपाल कामी शुन्य रनमा आउट भए ।
आर्मी स्पोर्टस्का मधुसान फर्नान्डोले तीन विकेट लिए । जगथ राजापाक्सा र सन्जीव कुमारा स्वामीले समान २ विकेट लिए । नेपालले अब शुक्रबार कल्टस् क्रिकेट क्लबसँग दोस्रो अभ्यास खेल खेल्नेछ ।
तीन अभ्यास र प्रशिक्षणपछि नेपाली टोली अगष्ट २७ मा श्रीलंकाबाटै मलेसिया प्रस्थान गर्ने छन् । मलेसियामा अगस्ट २८ बाट सुरु हुने एसिया कपको छनोट खेलको लागि टोली अभ्यासका लागि श्रीलंका प्रस्थान गरेको हो
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
