6 years ago
August 27, 2018
विश्व क्रिकेटको इतिहासमा धेरै त्यस्ता खेलाडीहरु छन् जसले अन्तर्राष्ट्रिय क्रिकेटमा दुई फरक देशलाई प्रतिनिध्तिव गरेका छन् । विशेषत इंग्ल्यान्डले धेरै मुलका खेलाडीहरुलाई खेल्ने मौका दिएको छ । इंग्ल्यान्डको सिमित ओभर टोलीका वर्तमान कप्तान ओएन मोर्गनले समेत यसअघि आयरल्यान्डबाट अन्तर्राष्ट्रिय क्रिकेट खेलिसकेका छन् ।
भारत र इंग्ल्याण्डको टेस्ट सिरिज चलीरहंदा आज हामी ५ त्यस्ता खेलाडीहरुको नाम हेर्ने छौँ जसले भारतमा जन्मिएर पनि इंग्ल्याण्डबाट क्रिकेट खेले :
५) कोलिन काउड्रे :
कोलिन काउड्रेको जन्म डिसेम्बर २४ १९३२ मा भारतमा भएको थियो। ओटाकामुन्डमा काउड्रेको जन्म भएको भएपनि उनको जन्म बैंगलोरमा भएको भनिने गरिन्छ । उनी क्रिकेट इतिहासमा नै १०० टेस्ट खेल्ने पहिलो क्रिकेटर हुन् । इंग्ल्याण्डको लागि मात्र १ एक दिवसीय खेलेका काउड्रेले ११४ टेस्ट खेलेका छन् । आफ्नो सन्यास पछि उनी मेरिलिबोन् क्रिकेट क्लब (एमसीसी) को प्रमुख समेत बनेका थिए ।
४) भिक्रम सोलन्की :
भिक्रम सोलन्कीको जन्म अप्रिल १ १९७६ मा भारतको राजस्थानमा भएको थियो । उनी ८ बर्षको हुँदा उनको परिवार इंग्ल्याण्ड गएको थियो । सोलन्कीले इंग्ल्याण्डको तर्फबाट ५१ एक दिवसीय र ३ २०-ट्वान्टी अन्तर्राष्ट्रियमा प्रतिनिधित्व गरेका छन् । घरेलु क्रिकेटमा पर्याप्त मात्रामा रन बनाएपनि सोलन्कीले आफ्नो प्रदर्शन अन्तर्राष्ट्रिय क्रिकेटमा दोहोर्याउन सकेनन् । सेप्टेम्बर २०१५ मा उनले अन्तर्राष्ट्रिय क्रिकेटबाट सन्यास लिएसंगै उनलाई सर्रेले सह-प्रशिक्षकको रुपमा नियुक्त गरेको थियो ।
३) रोबिन ज्याकमेन :
ज्याकमेनलाई धेरैले उनको क्रिकेट कला भन्दा धेरै कमेन्ट्रिका कारण चिन्ने गर्दछन् । उनको जन्म सन् १९४५ अगष्ट १३ मा पन्जाबमा भएको थियो । थोरै समयमात्र अन्तर्राष्ट्रिय क्रिकेट खेलेका ज्याकमेनको घरेलु क्रिकेटको तथ्यांक भने कमालको रहेको छ । उनले खेलेका ३९९ खेलमा १४०२ विकेट लिएका थिए। क्रिकेटबाट सन्यास लिएसंगै ज्याकमेनले सुपर स्पोर्ट्समा कमेन्ट्रिको काम गर्न थालेका थिए ।
२) बब् वुल्मर :
आफ्नो क्रिकेट कलाभन्दा धेरै वुल्मर आफ्नो प्रशिक्षण कलाका लागि प्रख्यात छन् । पाकिस्तानका पुर्व प्रशिक्षक वुल्मरको जन्म १९४८ मा कानपुरमा भएको थियो । उनले १९ टेस्ट र ६ एक दिवसीय क्रिकेटमा इंग्ल्याण्डको प्रतिनिधित्व गरेका छन् । ३५० फर्स्ट क्लास खेल खेलेका वुल्मरले २९० लिस्ट ए खेलसमेत खेलेका छन् ।
१) नासिर हुस्सेन :
इंग्ल्याण्डका पुर्व कप्तान तथा महान् खेलाडी नासिर हुसेनको जन्म सन् १९६८ मा तत्कालीन् मद्रास (अहिलेको चेन्नाई) मा भएको थियो । उनी सन् १९७५ मा इंग्ल्याण्ड तर्फ गएका थिए । इंग्ल्याण्ड टेस्ट क्रिकेटको इतिहासमा उत्कृष्ट मानिने हुसेनले ४५ टेस्टमा इंग्ल्याण्डको कप्तानी गरेका थिए । उनले इंग्ल्याण्डका लागि ९६ टेस्ट र ८८ एक दिवसीय खेल खेलेका छन् । आफ्नो सन्यास पछि उनी हाल कमेन्ट्रिको काम गरिरहेका छन् ।
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
