6 years ago
August 3, 2018
काठमाडौ (हाम्रो खेलकुद)-नेदरल्यान्ड्सविरुद्धको दोस्रो एक दिवसीय अन्तर्राष्ट्रिय खेलमा नेपालले पहिले ब्याटिङ गर्ने भएको छ । टस जितेर नेपालले ब्याटिङ रोजेको हो । एक दिवसियमा डेब्यू रहेको बुधबारको खेल नेपालले ५५ रनले गुमाएपछि आजको खेलमा ३ खेलाडी परिवर्तन गरिएको छ ।
दोस्रो खेलमा सुवास खकुरेल, रोहित पौडेल र ललित भण्डारीले मौका पाएका छन् । चोटका कारण शरद भेषावकरले यसअघि नै यो खेल नखेल्ने तय भइसकेको थियो । पहिलो खेलमा रहेका शक्ति गौचन र करण केसी यो खेलमा छैनन् । डेब्यू खेल नै शक्तिको एक दिवसिय खेलमा पहिलो र अन्तिम रहेको छ ।
नेदरल्यान्ड्स जानु अघि नै उनले यो भ्रमण आफ्नो अन्तिम भएको बताएका थिए । यद्दपी उनले नेपालमा हुने एक अन्तर्राष्ट्रिय खेलमार्फत अन्तर्राष्ट्रिय खेल जीवनबाट विश्राम लिने आफ्नो चाहना रहेको बताएका थिए ।
डेब्यु एक दिवसीयमा नेपालले उच्च बलिङ गरेको थियो । फिल्डिङ पनि उच्च रहँदा ब्याटिङमा अग्रपङ्तिका ओपनरले राम्रो साझेदारी गर्नुबाहेक अन्य ब्याट्सम्यान चल्न सकेनन् । यो श्रृखंलालाई बराबरी गर्नका लागि आजको खेल नेपालले जित्नु पर्ने हुन्छ ।
नेपाली टोलीका कप्तान पारस खड्काले राम्रो शुरुवात गर्नाका बाजजुत लगातार विकेट पतन हुदा हार बेहोर्नु परेको बताएका थिए । पारसले भरपर्दा शरद भेषवाकर घाइते हुनु पनि टिमका लागि घाटा भएको प्रतिक्रिया दिए ।
शरदले पहिलो इनिङ्समा फिल्डिङ गर्ने क्रममा औलामा चोट बोकेपछि अन्तिम नम्वरमा ब्याटिङमा आएका थिए । डेब्यु खेलमा नेदरल्यान्ड्सले दिएको १ सय ९० रनको मध्यम लक्ष्य पछ्याएको नेपाल ४१ ओभर ५ बलमा सबै विकेटको क्षतिमा १ सय ३४ रनमा समेटिएको थियो ।
यसक्रममा ओपनर तथा उपकप्तान ज्ञानेन्द्र मल्लले ५१ रनको अर्धशतकीय इनिङ्स खेलेका थिए । ओपनर अनिल कुमार साह र मल्लले पहिलो विकेटको लागि ५८ रनको साझेदारी गरेपनि त्यसपछि नेपालले ठुलो साझेदारी बनाउन सकेन ।
मध्यक्रमका दीपेन्द्रसिंह ऐरीले ३३ रन जोडेका थिए । नेदरल्यान्डलाई १ सय ८९ रनमै समेट्ने क्रममा पारसले ४ र सोमपाल कामीले ३ विकेट लिएका थिए ।
नेपाली टोली- पारस खड्का, ज्ञानेन्द्र मल्ल, सुवास खकुरेल, अनिल साह, दीपेन्द्रसिंह ऐरी , सोमपाल कामी , आरिफ शेख, बसन्त रेग्मी, रोहित पौडेल, ललित भण्डारी, सन्दीप लामिछाने
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
September 20, 2024
एजेन्सी – भारत बंगलादेशविरुद्धको पहिलो टेस्टको दोस्रो इनिङमा फराकिलो अग्रतातर्फ अघि बढेको छ । दोस्रो दिन शुक्रवार को खेल सकिदा भारतले ३ सय ८ रनको अग्रता बनाएको छ । दुई खेलको टेस्ट सिरिजका लागि बंगलादेश टोली भारत भ्रमणमा छ । पाहुना टोलीले १ सय ४९ रन मात्र बनाएपछि पहिलो इनिङमा २ सय २७ रनले पछि […]
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]