default_image

7 years ago

July 21, 2018

युरोप यात्रामा नेपालको धुवाँधार ब्याटिङ, कप्तान पारसको १ सय ६१ रन

101 views

0 Bookmark

काठमाडौं (हाम्रो खेलकुद)– युरोप यात्रामा रहेको नेपाली क्रिकेट टोलीले मभ्यास खेलमा धुवाँधार ब्याटिङ गरेको छ । कप्तान पारस खड्काले आक्रामक ब्याटिङ गर्नेक्रममा शतक बनाएपछि नेपालले ह्याम्पसायर हग्स क्रिकेट क्लब विरुद्ध ३ सय ६२ रन बनाएको छ ।

कप्तान पारस खड्का । फाइल तस्बिर

टस जितेर पहिले ब्याटिङ गरेको नेपालले कप्तान पारसको १ सय ६१ रनको मद्दतमा ठूलो स्कोर खडा गरेको थियो । नेपालले ५० ओभरमा सबै विकेट गुमाएर त्यो योगफल तयार पारेको हो ।

टस जितेर ब्याटिङ गरेको नेपालका लागि पारसले १ सय ७ बल खेल्ने क्रममा १९ चौका र ७ टक्का प्रहार गरेका थिए । रोहित पौडेलले ४४ र दीपेन्द्र सिंह ऐरीले ३७ रन बनाएका थिए ।

त्यस्तै आरिफ शेखले २७, करण केसीले १८,सन्दीप लामिछाने र ललित सिंह भण्डारीले समान १६, शरद भेषावकरले १४, सुवास खकुरेलले ११ र उप कप्तान ज्ञानेन्द्र मल्ले ५ रन जोडे । हग्स क्रिकेट क्लबका लागि माइल्स कोभर्स र जोन पोर्टलले समान ३ तथा जेम्स ग्रिनले २ विकेट लिए । टोली अहिले ३ सय ६३ रनको लक्ष्य पछ्याइरहेको छ ।

नेपालले जुलाई २९ मा लर्डस्मा एमसीसी र नेदरल्यान्ड्सम्मिलित त्रिकोणात्मक ट्वान्टी ट्वान्टी श्रृखंला खेल्नेछ । त्यसपछि नेपालले नेदरल्यान्ड्ससँग अगस्ट १ र ३ मा एक दिवसिय अन्तर्राष्ट्रिय खेल खेल्नेछ । झन्डै पाँच महिला अघि एक दिवसय मान्यता पाएयता नेपालको यो पहिलो एक दिवसिय खेल हुनेछ ।

March 14, 2025

लुम्बिनी र मधेश आइजिपी कपको फाइनलमा‌

काठमाडौं (हाम्रो खेलकुद)- लुम्बिनी प्रदेश र मधेश प्रदेश प्रहरी कार्यालय प्रथम आइजिपी कप क्रिकेट प्रतियोगिता २०८१ को उपाधिका लागि भिड्ने भएका छन्। शुक्रवार भएको सेमिफाइनलमा लुम्बिनीले सुदूरपश्चिम प्रदेश प्रहरी कार्यालयलाई १ सय ९ र मधेशले राष्ट्रिय प्रहरी प्रशिक्षण प्रतिष्ठान टिमलाई १२ रनले हराउँदै फाइनल पुगेका हो। पहिलो सेमिफाइनलमा टस हारेर पहिले ब्याटिङको निम्तो पाएको लुम्बिनीले […]

March 14, 2025

पिएम कप – बागमतीको पहिलो जित

काठमाडौं (हाम्रो खेलकुद) – बागमती प्रदेशले प्रधानमन्त्री(पिएम) कप पुरुष एकदिवसिय राष्ट्रिय क्रिकेट प्रतियोगिता २०२५ मा पहिलो जित हासिल गरेको छ । शुक्रवार भएको आफ्नो तेस्रो खेलमा पहिलो जित निकाल्ने क्रममा बागमतीले सुदूरपश्चिम प्रदेशलाई ५५ रनले पराजित गरेको हो । २ सय ६७ रनको लक्ष्य पछ्याएको सुदूरपश्चिम ४७ ओभरमा २ सय ११ रनमा समेटियो । सुदूरपश्चिमका […]

March 14, 2025

नेपालको सान्त्वना जित

काठमाडौं(हाम्रो खेलकुद) – युगाण्डामा जारी वुमेन्स कप टि ट्वान्टी आई सिरिजमा नेपालले सान्त्वना जित हासिल गरेको छ । लिग चरणको अन्तिम खेलमा नेपालले हङकङलाई ६ विकेटले हराउँदै सान्त्वना जित हात पारेको हो । हङकङ १ सय ५ रनको लक्ष्य नेपालले १९.३ ओभरमा ४ विकेट गुमाएर पूरा गर्यो । नेपालका लागि ओपनर सम्झना खड्काले सर्वाधिक ४७ […]

Success

Thank you for your time.