लिड्स (एजेन्सी)– इङ्ल्यान्डले भारतविरुद्धको एक दिवसिय श्रृखंला २–१ ले जितको छ । तेस्रो तथा निर्णायक खेलमा मंगलबार ८ विकेटको जित निकाल्दै घरेलु टोलीले श्रृखंला आफ्नो नाममा लेखाएको हो । सन् २०११ यता भारतविरुद्धको श्रृखंला इङ्ल्यान्डले जितेको यो पहिलो पटक हो ।

२ सय ५७ रनको लक्ष्य पछ्याएको घरेलु टोली जोय रुट र कप्तान इयान मोर्गनको सानदार प्रदर्शनमा जित हासिल गरेको थियो । २ विकेट मात्र गुमाएको इङ्ल्यान्डले ३३ बल बाँकी रहँदै २ सय ५९ रन बटुलेको थियो । रुटले अविजित १ सय र मोर्गानले ८८ रन बनाए ।

तेस्रो विकेटका लागि उनीहरुले अविजित १ सय ८६ रनको साझेदारी गरेका थिए । रुले १ सय २० बलमा १० चौका प्रहार गरे । मोर्गानले १०८ बलमा ९ चौका र १ छक्का प्रहार गरेका थिए । ओपनर जेम्स भिन्सेले २७ र जोनी ब्रेनस्टोले ३० रन जोडेका थिए । भारतका लागि सर्दुगल ठाकुरले एक विकेट लिए ।

त्यसअघि टस हारेर पहिले ब्याटिङको निम्तो पाएको भारतले कप्तान विराट कोहलीको अर्धशतकसँगै २ सय ५६ रन बनाएको थियो । ओपनर रोहित शर्मा सस्तैमा आउट भएपछि अर्का ओपनर शिखर धवन र कप्तान कोहलीले दोस्रो विकेटका लागि ७१ रनको साझेदारी गर्दै टोलीलाई उकासेका थिए ।

विराटले ७२ बलमा ८ चौकाको मद्दतमा टोलीका लागि सर्वाधिक ७१ रन जोडे । शिखरले ४९ बलमा ७ चौकासहित ४४ रन बटुले । पूर्व कप्तान महेन्द्र सिंहले ४२, सर्दुल ठाकुरले २२ तथा दीनेश कार्तिक, हार्दिक पाण्डे भुवनेश्वकरमाुरले समान २१ रन जोडे । घरेलु टोलीका लागि डेभिड विली र अदिल रसिद समान ३ र मार्क उडले १ विकेट लिए ।