सप्तरी (हाम्रो खेलकुद)– सप्तरीमा जारी प्रथम मेयर कप सप्तरी प्रिमियर लिग ट्वान्टी ट्वान्टी क्रिकेट प्रतियोगितामा बजाज खडक वारियर्सले अपराजित यात्रा कायमै राखेको छ । लिग चरणको अन्तिम खेलमा तिलाठी कोइलाडी महिन्द्रा हिरोजलाई ८ विकेटले पराजित गर्दै आफ्नो अपराजित यात्रा कायमै राखेको हो ।

लिगमा अपारजित रहेको वारियर्सले ८ अंक जोड्यो । तीन टोली सहभागी लिगबाट ४ मध्ये २ खेलमा जित र २ खेलमा हारको साथ उपविजेताको रुपमा बोदे बर्साइन थन्डर्स फाईनलमा प्रवेश गरेको छ । मेहबुब आलम कप्तानीको तिलाठी कोइलाडीले भने ४ वटै खेलमा पराजित हुन पुग्यो ।

पब्लिक विन्देश्वरी स्कुल मैदानमा सम्पन्न खेलमा टस जितेर ब्याटिङ गरेको तिलाठी कोइलाडीले २० ओभरमा ९ विकेट गुमाएर १ सय १२ रनको योगफल तयार गरेको थियो । उसका लागि ओपनर राहुल मण्डलले सर्वाधक ३० रन जोडे । संसाद शेखले २२ रन तथा बिकाश दासले १६ रन बनाए । बलिङतर्फ बजाज खडक वारियर्स बलर गोमनन्द अमथ, उपेन्द्र रोय, बिबेक यादब र पुष्प थापाले समान २ विकेट लिए ।

१ सय १३ रनको लक्ष्य वारियर्सले १६ ओभर ५ बलमा वुरा ग¥यो । ओपनर हरिशंकर शाहले अविजित ४७ रन तथा कप्तान बिबेक यादबले अविजित ४२ रन बनाएपछि जित सहज बन्यो । शाहले ५३ बलमा ४ चौका र १ छक्का तथा यादब २२ बलमा २ चौका र ५ छक्का प्रहार गरे। हसिम अन्सारीले १६ रन योगदान दिए ।

अलराउन्डर प्रदर्शन गरेका दिएका कप्तान बिबेक यादब खेलको म्यान अफ द म्याच घोषित भए । उनलाई १ हजार ५ सय पुरस्कार उद्योग बाणिज्य संघ सप्तरीका अध्यक्ष अरुण प्रधानले पुरस्कृत गरे । सप्तरी क्रिकेट संघद्वारा आयोजित प्रतियोगिताको फाईनल खेल बुधबार ११ बजे बजाज खडक वारियर्स र बोदे बर्साइन थन्डर्स बीच हुनेछ ।