सप्तरी (हाम्रो खेलकुद)– बजाज खडक वारियर्सले सप्तरमा जारी प्रथम मेयर कप सप्तरी प्रिमियर लिग ट्वान्टी ट्वान्टी क्रिकेट प्रतियोगितामा लगातार तेस्रो जित निकालेको छ । बजाज खडक वारियर्सले बोदे बर्साइन थन्डर्सलाई ६ विकेटले पराजित गर्दै लिगमा लगातार तेस्रो जित निकालेको हो ।

। पबि स्कुल मैदानमा सम्पन्न लिगको पाँचौ खेलमा टस जितेर ब्याटिङ गरेको बोदे बर्साइनले निर्धारित २० ओभरमा ८ विकेट गुमाएर ९३ रन मात्रै बनाउन सक्यो । उसका लागि बिक्रम भुसालले सर्वाधिक २६ रन बनाए । अंकित सुवेदीले १५ तथा सन्दिप ढुंगानाले १० रनको योगदान दिए । खडक वरियर्सका उपेन्द्र रोय र बिबेक यादबले समान २ विकेट लिए ।

९४ रनको लक्ष्य वारियर्सले १८.१ ओभरमा पुरा ग¥ यो । १५.५ ओभरमा ६७ रनको स्कोरमा महत्वपूर्ण माथिल्लो ४ जना ब्याट्सम्यानहरु गुमाएको अवस्थामा कप्तान विवेक यादव र फिर्दोश अन्सारीले पाँचौ विकेटको लागि २७ रनको साझेदारी गर्दै टिमलाई सहज जित दिलाएका थिए । अनुभवी ब्याट्सम्यानहरु हरिशंकर साह ७, हसिम अन्सारी ७ तथा पुष्प थापा ११ रन मात्र बनाएर आउट भए ।

म्यान अफ द म्याच समेत चुनिएका विवेक अविजित १९ रन बनाउन २ चौका तथा फिर्दोशले १७ रन बनाउन १ छक्का र १ चौका प्रहार गरे । यसअघि ओपनिङ ब्याटिङ गरेका प्रशान्त राईले ३१ रन बनाएका थिए । १ छक्का र २ चौका प्रहार गरेका थिए । बोदेका बलर नन्दन झाले सर्वा्धिक २ विकेट लिए ।