6 years ago
July 6, 2018
काठमाडौं (हाम्रो खेलकुद)– अर्को महिना हुने इङ्ल्यान्ड र नेदरल्यान्ड्स भ्रमणका लागि नेपाली क्रिकेट टोली २० सदस्यीय प्रारम्भिक टोली शुक्रबार घोषणा भएको छ ।
प्रदीप ऐरी । फाइल तस्बिर
आइसिसिका प्रतिनिधि एमिनुल इस्लाम, राष्ट्रिय टोलीका मुख्य प्रशिक्षक जगत टमाटा र कप्तान पारस खड्का सम्मिलित छनोट समितिले बन्द प्रशिक्षणका लागि डाकिएका खेलाडीमा विकेट किपर ब्याट्सम्यान सुवास खकुरेलसहित विनोद भण्डारी र ओपनर प्रदीप ऐरीले पुनरागमन गरेको छन् ।
यद्दपी २० बाट दुई प्रतियोगिताका लागि १५ खेलाडीको टोली घोषणा हुने राष्ट्रिय टोलीका व्यवस्थापक रमन शिवाकोटीले जानकारी दिए । नेपालले साउन १३ गते त्रिकोणात्मक ट्वान्टी ट्वान्टी क्रिकेट पछि नेदरल्यान्ड्ससँग एक दिवसिय अन्तर्राष्ट्रिय खेल खेल्नेछ ।
इङ्ल्यान्डको लर्डसमा क्रिकेट मैदानमा हुने ट्वान्टी ट्वान्टीमा नेपालसहित नेदरल्यान्ड् र मेरिलिबोन क्रिकेट क्लब (एमसिसी) बीच प्रतिस्पर्धा हुनेछ । नेपाल र नेदरल्यान्ड्सबीच हुने खेललाई भने अन्तर्राष्ट्रिय क्रिकेट परिषद् (आइसिसी) ले अन्तर्राष्ट्रिय ट्वान्टी ट्वान्टीको मान्यता दिएको छ ।
सुवास खकुरेल । फाइल तस्बिर
नेपाल र नेदरल्यान्डबीच साउन १६ र १८ गते एक दिवसिय क्रिकेट हुनेछ । ४ वर्षका लागि एक दिवसिय अन्तर्राष्ट्रिय मान्यता पाएयता नेपालले खेल्न लागेको यो पहिलो अन्तर्राष्ट्रिय एक दिवसिय क्रिकेट हो ।
टोलीमा पुनरागमन गरेका सुवास घाइते भएका कारण लामो समय देखि टोलीमा थिएनन् । प्रदीप भने तीन वर्षपछि टोलीमा डाकिएका छन् । विनोद यसअघि विश्व कप छनोटका दौरान टोलीको वैकल्पिक खेलाडीका रुपमा थिए ।
अधिकांश पुराना खेलाडी लाई डाकिएको प्रशिक्षमा नयाँ खेलाडी हरि क्षेत्री अटेका छन् । प्रधानमन्त्री कपमा गरेको प्रदर्शनका आधारमा उनी टोलीमा समावेश भएका हुन् । बन्द प्रशिक्षण शनिबारबाट सुरु हुने बताइएको छ ।
बन्द प्रशिक्षणमा डाकिएका खेलाडी
पारस खड्का, अनिल कुमार शाह, वसन्त रेग्मी, विनोेद भण्डारी, दिपेन्द्र सिहं ऐरी, ज्ञानेन्द्र मल्ल, हरि क्षेत्री, करन के.सी, ललित भण्डारी, ललित नारायण राजवंशी , आरिफ शेख, प्रदिप ऐरी, रोहित कुमार पौडेल, सन्दिप लामिछाने, शक्ती गौचन, शरद भेषवाकर, सोमपाल कामी, सुवास खकुरेल, सुनिल धमाला र शुसन भारी
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
September 20, 2024
एजेन्सी – भारत बंगलादेशविरुद्धको पहिलो टेस्टको दोस्रो इनिङमा फराकिलो अग्रतातर्फ अघि बढेको छ । दोस्रो दिन शुक्रवार को खेल सकिदा भारतले ३ सय ८ रनको अग्रता बनाएको छ । दुई खेलको टेस्ट सिरिजका लागि बंगलादेश टोली भारत भ्रमणमा छ । पाहुना टोलीले १ सय ४९ रन मात्र बनाएपछि पहिलो इनिङमा २ सय २७ रनले पछि […]
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]
