काठमाडौं (हाम्रो खेलकुद) – धनगढी प्रिमियर लिग (डिपिएल) को आयोजक धनगढी क्रिकेट एकेडेमी (डिसिए)ले ग्रासरुटबाटै नेपाली क्रिकेटको विकास गर्ने उद्देश्यका साथ नेपाली राष्ट्रिय क्रिकेट टोलीका पूर्व खेलाडी दीपेन्द्र चौधरीलाई एकेडेमीको मख्य प्रशिक्षक नियुक्त गरेको छ ।

प्रशिक्षक दीपेन्द्र चौधरी ।

डिसिएले आइतबार प्रेस विज्ञप्ति जारी गर्दै ग्रासरुट लेभलको क्रिकेट विकासमा विशेष ध्यान पु¥याउने उद्देश्यले डिसिएको प्रमुख प्रशिक्षकको रुपमा एसीसीका लेभल थ्री प्रशिक्षक चौधरीलाई नियुक्त गरेको जनाएको छ । क्रिकेटलाई भविष्य बनाउने सपना बोकेका ती खेलाडीहरुको प्रतिभा तिखार्न हामीले यस एकेडेमीमा दीपेन्द्र चौधरीलाई १ वर्षका लागि प्रशिक्षकका रुपमा नियुक्त गरेको हो, विज्ञप्तीमा भनिएको छ ।

एकेडेमी सन् २०१२ मा स्थापना भएको थियो । स्थापना कालदेखि नै एकेडेमीले अन्तर्राष्ट्रिय स्तरको प्रतियोगिताहरु सञ्चालन गर्दै आएको छ । एकेडेमीले गत चैत ३० गते धनगढी प्रिमियर लिग ९डिपिएल–२० को सफल आयोजना गरेको थियो । नेपाललाई अन्तर्राष्ट्रिय क्षेत्रमा स्थापित गराउने पुस्ताका खेलाडी रहेका चौधरीले सन् १९९८ मा डेब्यू २०११ मा अन्तिमपटक राष्ट्रिय टोलीबाट खेलेका थिए ।

१३ वर्ष टप अर्डर ब्याट्सम्यानका रुपमा राष्ट्रिय टोलीमा बिताएपछि प्रशिक्षण थालेका उनले एसियाली क्रिकेट परिषद्् ९एसीसी० बाट लेभल थ्री को प्रशिक्षण पनि लिएका छन् । उनले २०१४ मा भएको एसियन गेम्समा दक्षिण कोरिया राष्ट्रिय महिला टोलीको प्रशिक्षक भइ काम गरिसकेका छन् । उनी यू–१६ राष्ट्रिय टोलीका प्रशिक्षक समेत हुन् ।

नेपालले एसिसी ट्रफी खेल्दा र विश्वकप छनोटका क्रममा मुख्य प्रशिक्षक पुबुदु दासानायकेको सहायकका रुपमा उनले भुमिका निर्वाह गरेका थिए । घरेलु ठूला प्रतियोगिताहरुमा समेत विभिन्न टोलीको प्रशिक्षकत्व वहन गरिसकेका छन् । डीपीएलमा उनले विराटनगर किंग्स तथा इपीएलमा चितवन टाइगर्सको प्रशिक्षकको भुमिका निर्वाह गरिसकेका छन् । एकेडेमीमा अहिले ९० जना खेलाडीहरु नियमित प्रशिक्षण लिइरहेका छन् । जसमध्ये २५ जनालाई पूर्ण छात्रवृत्तिमा एकेडेमीले प्रशिक्षणको व्यवस्था मिलाएको छ ।