पुन (एजेन्सी) – इन्डियन प्रिमियर लिग (आइपिएल) मा गए राती चेन्नई सुपर किङ्सले किङ्स ११ पञ्जाबलाई ५ विकेटले हराएपछि राजस्थान रोयल्स प्ले अफमा पुगेको छ । प्ले अफको दाबेदार पञ्जाबले चेन्नईलाई फराकिलो अन्तरले हराउन सकेको भए राजस्थान बाहिरिने सम्भावना थियो । तर पञ्जाब आफै चेन्नाईसँग राजित भयो ।

चेन्नई, सनराइजर्स हैदाराबाद र कोलकाता नाइट राइजर्स यसअघि नै प्ले अफका लागि छनोट भइसकेका छन् । राजस्थानले १४ खेलबाट १४ अंक जोडेको थियो । पन्जाब १४ खेलबाट १२ अंकका साथ सातौं स्थानमा रह्यो । पञ्जाबले दिएको १ सय ५४ रनको लक्ष्य चेन्नईले १९.१ ओभरमा ५ विकेट गुमाएर १ सय ५९ रन जोडेको थियो । टोलीका लागि सुरेश रैनाले अविजित अर्धशतक पुरा गरे । उनले ४८ बलमा ४ चौका र २ छक्कासहित अविजित ६१ रन जोडे ।

दिपक चाहरले ३९ रन, हरभजन सिंहले १९ र कप्तान महेन्द्र पन्जाबका अंकित राजपुत र रविचन्द्र आश्विनले समान २ र मोहित शर्माले १ विकेट लिए । त्यसअघि टस हारेर पहिले ब्याटिङको निम्तो पाएको पन्जाबले १९.४ ओभरमा सबै विकेट गुमाएर १ सय ५३ रन जोडेको थियो । टोलीका लािग करुण नायरले अर्धशतक बनाए ।

२६ बल खेलेका नायरले ५ छक्का र ३ चौकासहित ५४ रनको योगदान गरे । तिवारीले ३५, डेभिड मिल्लरले २४ र अक्षर पटेलले १४ रन जाडे । चेन्नईका लुंगी नेग्दीले ४, ड्याने ब्राभो र सार्दुल ठाकुरले समान २, दीपक चाहर र रविन्द्र जडेजाले समान १ विकेट लिए । चेन्नईका नेग्दी म्यान अफ दी म्याच चुनिए ।