default_image

7 years ago

May 20, 2018

दिल्लीको अन्तिम खेल मुम्बईसँग, विश्वको नजर सन्दीपतिर

89 views

0 Bookmark

काठमाडौं (हाम्रो खेलकुद) – भिभो आइपिएल २०१८ अन्तर्गत नेपाली युवा स्पिनर सन्दीप लामिछाने सम्मिलित दिल्ली डेयरडेभिल्स आज मुम्बई इन्डियन्ससँग आफ्नो अन्तिम खेल खेल्ने छ । फिरोज शाह कोट्ला स्टेडियममा खेलिने सो खेल नेपाली समयअनुसार बेलुकाको ४.१५ बजे सुरु हुने छ ।

सन्दीपले आफ्नो दुई खेलमा विराट कोहली, एबी डि भिलियर्स, शेन वाट्सन, महेन्द्र सिंह धोनी र सुरेश रैनाजस्ता विश्व प्रसिद्ध ब्याट्सम्यानहरुलाई बलिङ गर्दै विश्व क्रिकेटलाई नै आफ्नो प्रदर्शनबाट प्रभावित गरेका छन् । दुई खेलमा कुल ८ ओभर बलिङ गर्दै उनले ४६ रन खर्चेर पार्थिव पटेल र रैनाको विकेट लिएका छन् । उनले कुल २० डट बल पनि फालेका छन । यो तथ्याङ्क विश्वका उत्कृष्ट बलरहरुका लागि पनि निकै प्रभावशाली मान्न सकिन्छ ।

सन्दीपले आफ्नो दुई प्रदर्शनका लागि विभिन्न क्रिकेट खेलाडी तथा आइपिएलका कमेन्टेटर र विश्लेषकहरुबाट बधाई र शुभकामना पाएका छन् । विदेशी खेलाडीहरुबाट सोचेअनुरुप प्रदर्शन पाउन नसकेको दिल्ली डेयरडेभिल्स प्रतियोगिताभरी खेलाडिहरुको सहि संयोजनको खोजीमा थियो । तर प्रतियोगिताबाट बाहिरिएपछि मात्र मौका पाएका सन्दीपको उत्कृष्ट प्रदर्शनपछी आफ्नो गल्तीको महसुस पनि दिल्लीले पक्कै गरेको छ । सन्दीपले आफ्नो प्रदर्शनबाट आगामी सिजनका लागि आफुलाई टोलीमा स्थापित गर्न सफल भएको पनि बुझिन्छ ।

आज सन्दीप यो सिजनका लागि विश्व क्रिकेटलाई १७ वर्षे नेपाली स्पिनरको जादु देखाउन अन्तिम पटक मैदानमा उत्रिनेछन् । तालिकाको अन्तिममा रहेको दिल्ली पाँचौं स्थानमा रहेको मुम्बईको सामना गर्ने छ । प्ले-अफमा पुग्नका लागि मुम्बईलाई आजको खेल जित्नै पर्ने हुन्छ । आज सन्दीपले रोहित शर्मा र केरन पोलार्डजस्ता विश्वकै प्रसिद्ध खेलाडीहरु बलिङलाई गर्न सक्ने छन् । सारा नेपालीहरु त सन्दीपको प्रदर्शन नजिकबाट नियालिरहेका हुन्छन् नै विश्व क्रिकेट पनि अहिले सन्दीपको बलिङको प्रतिक्षामा हुने स्थिति सिर्जना भएको छ ।

January 19, 2025

रुपन्देही ‘ए’ सुपर लिग -एमसिसीको जित

सुमन अधिकारी, बुटवल भैरहवामा जारी ‘ए’ डिभिजनको रुपन्देही सुपरलिग क्रिकेटमा आइतवार मेलवर्न क्रिकेट क्लब (एमसिसी) ले जेआर क्रिकेट क्लबलाई पराजित गरेको छ । सिद्धार्थ क्रिकेट मैदानमा टस जितेर ब्याटिङ गरेको जेआर क्रिकेट क्लब ६२ रनमा अल आउट भएको‌ थियो।६३ रनको लक्ष्य पाएको मेलवर्नले विकेट नगुमाई पूरा गरेको हो ।मेलवर्नका विपिन आचार्यले ४ तथा रमेश कुर्मी, […]

January 19, 2025

महिला पिएम कप : आर्मीको सानदार डेब्यु

काठमाडौं(हाम्रो खेलकुद) – त्रिभुवन आर्मी क्लबले महिला प्रधानमन्त्री कपमा सानदार डेब्यु गरेको छ । कैलालीमा जारी रहेको महिला पिएम कप राष्ट्रिय टि ट्वान्टी क्रिकेट प्रतियोगितामा विभागिय टोली आर्मीले सानदार सुरुवात गरेको हो । प्रतियोगिताको समूह ‘बी’ मा रहेको आर्मीले मधेश प्रदेशमाथि १० विकेटको फराकिलो जित हासिल गरेको हो । घरेलु महिला क्रिकेटमा यसै खेलबाट डेब्यु […]

January 19, 2025

बर्खा स्मृति क्रिकेट प्रतियोगिता हुँदै

हिमाल खरेल, बिर्तामेड झापाको बुद्धशान्तिमा रहेको बर्खा स्मृति प्रतिष्ठानले नेपाल क्रिकेट संघ (क्यान) का अध्यक्ष चतुरबहादुर चन्दलाई खेलमैदान र प्रतियोगिताबारे जानकारी गराएको छ । प्रतिष्ठानले आयोजना गर्दै आएको झापाका पालिकाहरुबीचको पुरुष टि ट्वान्टी क्रिकेट प्रतियोगिता र खेल मैदानको अवस्थाबारे जानकारी गराएको प्रतिष्ठानका अध्यक्ष मदन प्रसाईंले जानकारी दिए । चन्द नेतृत्वको क्यानको एक टोलीले बुद्धशान्ति ३ […]

Success

Thank you for your time.