मुम्बई (एजेन्सी)– राजस्थान रोयल्सले इन्डियन प्रिमियर लिग (आइपिएल) मा आइतबार मुम्बई इन्डियन्सलाई ७ विकेटले हराउँदै प्ले अफमा पुग्ने सम्भावनालाई बढाएको छ । १ सय ६९ रनको लक्ष्य पछ्याएको राजस्थानले जस बटलरको सानदार इनिङसँगै १८ ओभरमा मात्र ३ विकेट गुमाएर १ सय ७१ रन बनाएको थियो ।

 

जितसँगै राजस्थान पाँचौं स्थानमा उक्लेको छ भने साविक विजेता मुम्बई छैटौं स्थानमा झरेको छ । सनराइजर्स हैदराबाद र चेन्नाई सुपर किङ्स प्ले अफका लागि छनोट भइसकेका छन् ।

अब २ टोलीका लागि समान १२ अंक भएका किङ्स ११ पञ्जाब, कोलकाता नाइट राइडर्स, राजस्थान, १० अंकको मुम्बई र ८ अंक जाडेको रोयल च्यालेन्सर्ज बैंगलोर छन् । ६ अंक मात्र जोडेको दिल्ली डेयरडेभिल्स प्ले अफबाट बाहिरिसकेको छ ।

राजस्थानका लागि बटलरले अविजित ९४ रनको महत्वपूर्ण योगदा गरेका थिए । ५३ बल खेलेका उनले ९ चौका र ५ चौका प्हार गरे । कप्तान अजिन्के रहानेले ३७ र सञ्जु सामसनले २६ रन बनाए । ३६ बल खेलेका रहानेले ४ चौका प्रहार गरे । १४ बलमा सामसनले २ छक्का र २ चौका प्रहार गरे ।

त्यसअघि टस हारेर ब्याटिङको निम्तो पाएको मुम्बईले इभिन लेविसको अर्धशतकको मद्दतमा निर्धारित २० ओभरमा ६ िविकेट गुमाएर १ सय ६८ रन बनाएको थियो । टोलीलाई मजबुद सुरुवात दिलाउने क्रममा सूर्यकुमार यादव र लेविसले ८७ रनको साझेदारी गरेका थिए ।

सूर्यकुमार ३८ बल रन बनाउँदै आउट भएका थिए । उनले ३१ बलमा ७ चौका प्रहार गरे । ४२ बल खेलेका लेविसले ४ छक्का र त्यत्तिनै चौकाको मद्दतमा ६० रनको योगदान गरे । कप्तान रोहित शर्मा खाता नखोल्दै आउट भएपनि हार्दिक पाण्डेयले ३६ रन बनाए । हार्दिकले २१ बल खेल्दै ३ चौका र २ छक्का प्रहार गरे ।

बेन कटिङले अविजित १० रन बनाए । राजस्थानका लागि जोफ्रा, बेन स्टोक्स तथा धवाल कुलकर्णीी र जयदेव उन्डकटले समान १ विकेट लिए । राजस्थानका बटलर म्यान अफ दी म्याच घोषित भए । आइपिएलमा पञ्जाब र बैंगलोरबीच प्रतिस्पर्धा हुनेछ ।