काठमाडौं (हाम्रो खेलकुद) – प्रदेश नम्बर ७ प्रथम मनमोहन मेमोरियल अन्तर प्रदेश यू–१६ राष्ट्रिय क्रिकेट प्रतियोगिताको च्याम्पियन बनेको छ । त्रिवि क्रिकेट मैदानमा बुधबार भएको फाइनलमा प्रदेश नम्वर ७ ले प्रदेश नम्वर २ लाई २४ रनले पराजित गर्दै च्याम्पियन बनेको हो ।

तस्बिर : विवेक सुवेदी/हाम्रो खेलकुद

७ नम्बर प्रदेशले दिएको २ सय ९ रनको लक्ष्य पछ्याएको २ नम्बर प्रदेशले पुरै ३० ओभरमा ९ विकेट गुमाएर १ सय ८४ रन मात्र बनाउन सक्यो । २ नम्बरका अमित यादवले ८० रन जोडेपनि टोलीलाई जित दिलाउन सकेनन् । त्यस्तै २ नम्बरका तृत राज दासले २७ तथा साहिल पटेलले २५ रन जोडे ।

मध्यम शुरुवात गरेको प्रदेश नम्वर २ ले पहिलो विकेट गुमाउदा ४१ रन जोडेको थियो । दोस्रो विकेट गुमाउदा ७६ रन जोडेको थियो ।

तेस्रो विकेटको लागि अमित यादव र तृत राज दासले ७६ रनको साझेदारी गर्दै टिमलाई जिततर्फ डो¥याए । त्यसपछि तृतराजलाई २७ रनमा गुमाउदा चौथो विकेटको रुपमा ओपनर अमित यदव आउट भए । त्यसपछि प्रदेश नम्वर २ का कुनै पनि खेलाडी क्रिजमा टिक्न सकेन र बाँकी ५ विकेट लगातार गुमाउन पुग्यो । प्रदेश नम्बर ७ का मनोज लोथ्यालले ५ विकेट लिदा नरेन्द्र सावदले ३ विकेट लिए ।

यसअघि टस जितेर पहिले ब्याटिङ गरेको ७ नम्बर प्रदेशले निर्धारित ३० ओभरमा ७ विकेट गुमाएर २ सय ८ रन जोडेको थियो । ७ नम्बरका लागि राहुल भण्डारीले ३८ तथा रोशन सावदले अविजित ३७ रन जोडे । त्यस्तै हृदय बिथारीले ३३ रन जोड्दा नरेन्द्र सावद २० रनमा अविजित रहे । प्रदेश नम्वर २ का विवेक यादबले ४ विकेट लिए । फाइनलमा प्रदेश नम्वर २ का मनोज लोथ्याल फाइनल खेलको म्या नअफ दि म्याच घोषित भए ।

उपाधिसँगै प्रदेश नम्बर ७ ले नगद २ लाख ५० हजारसहित ट्रफी, मेडल र क्रिकेट खेल सामग्री प्राप्त गरे । उपविजेता बनेको प्रदेश नम्वर २ ले १ लाख ५० हजारसहित क्रिकेट सामग्री प्राप्त गार्यो। प्रदेश २ का अल राउण्डर विवेक यादब सर्बाेत्कृष्ट खेलाडी घोषित भए । उनले १० हजार प्राप्त गरे ।

व्यक्तिगत विधातर्फ प्रदेश नम्वर २ का अमित यादव उत्कृष्ट ब्याट्सम्यान र प्रदेश नम्वर ७ का नरेन्द्र सावद बलर घोषित भए । उनीहरुले जनही ५ हजार पाए । प्रदेश नम्वर ७ का हृदय विथारी उत्कृष्ट फिल्डर र राजन सिंह उत्कृष्ट विकेट किपर घोषित भए । विजयी टिम र खेलाडीहरुलाई नेकपा एमालेका उपाध्यक्ष तथा पूर्व गृह मन्त्री वामदेव गौतम, मनमोहन क्रिकेट सेन्टरका अध्यक्ष ठाकुर गैरै र राष्ट्रिय क्रिकेट टिमका प्रशिक्षक जगत टमाटालगायतले पुरस्कृत गरे ।

मनमोहन मेमोरियल क्रिकेट सेन्टरको आयोजनामा बैशाख १३ गतेबाट चलेको प्रतियोगितामा ७ प्रदेशको सहभागिता रहेको थियो।