काठमाडौं (हाम्रो खेलकुद) – प्रदेश नम्वर ७ र प्रदेश नम्वर २ राजधानीमा जारी प्रथम मनमोहन अन्तर प्रदेश यू–१६ राष्ट्रिय क्रिकेट प्रतियोगिताको फाइनलमा प्रवेश गरेको छ ।

मंगलबार भएको खेलमा प्रदेश नम्वर ७ ले प्रदेश नम्वर १ लाई ५ विकेटले पराजित गर्दै उपाधि नजिक पुग्दा प्रदेश नम्वर २ ले प्रदेश नम्वर ३ लाई ४१ रनले पराजित गर्दै फाइनलमा प्रदेश नम्वर ७ सँगको भेट पक्का गरेको हो ।

त्रिवि क्रिकेट मैदानमा मंगलबार भएको पहिलो सेमिफाइनलमा प्रदेश नम्वर १ ले दिएको १ सय ४९ रनको मध्यम लक्ष्य प्रदेश नम्वर ७ ले २२ ओभरमा ५ विकेट गुमाएर पूरा गर्यो । प्रदेश नम्वर ७ का लागि सुवास ऐरले ३७ रनको योगदान दिए । ओपनर राजन सिंहले ३२ रन जोड्दा राहुल भण्डारी २५ रनमा तथा नारायण जोशी १२ रनमा नटआउट रहे । रोशन सावदले २३ रन बनाए । समिर तिमल्सिना, विवेक मेहता र नवनित कर्णले समान १ विकेट लिए ।

यसअघि टस जितेर पहिले ब्याटिङ गरेका प्रदेश नम्वर १ ले पुरै ३० ओभर खेल्दै ८ विकेट गुमाएर १ सय ४८ रन बनाएको थियो । उसका लागि मध्यक्रमका विवेक मेहताले ४१ रन बनाए । राजन मगरले २२ रन जोडे । नवनित कर्ण १९ रनमा अविजित रहँदा अभिेषेक बरालले १६ रन जोडे । अंकित श्रेष्ठले १३ र लुभ कामतले ११ रन जोडे ।

मंगलबारे भएको अर्काे खेलमा प्रदेश नम्वर २ ले प्रदेश नम्वर ३ माथि ४१ रनको सहज जित निकाल्यो। प्रदेश नम्वर २ ले दिएको २ सय १७ रनको विशाल लक्ष्य पछ्याएको प्रदेश नम्वर १ २८ ओभर ५ बलमा १ सय ७५ रनमा समेटियो । उसका लागि प्रतिश जिसीले ४८ रनको योगदान दिएपनि टिमलाई जिताउन सकेन । सम्भव श्रेष्ठले ३४ रन बनाए । दीपक बोहराले ३० रन जोडे । अशोक पौडेल १६, आशिष भट्टराई १५ र सुशान्त कार्की १० रनमा आउट भए । बिक्रम कुशवाहा एक्लैले ४ विकेट लिए । सन्नी शाहले २ विकेट लिए ।

टस हारेर पहिले ब्याटिङको निम्तो पाएको प्रदेश नम्वर २ ले निर्धारित ३० ओभरमा ५ विकेट गुमाएर २ सय १६ रनको योगफल तयार पारेको थियो । उसका लागि अमित यादवले सर्वाधिक ८६ रनको योगदान दिए । विवेक यादव ६३ रनमा अविजित रहे । सुजित शाहले ३५ रन जोडे । तृत राज दास १४ र इमरान शेख ११ रनमा आउट भए । प्रतिश जिसी र सुशान्त कार्कीले समान २ विकेट लिए ।

प्रतियोगिताको फाइनल बुधबार हुनेछ । विजेताले ५ लाख रुपैया तथा उपविजेताले २ लाख प्राप्त गर्नेछ ।