कोलकाता (एजेन्सी)– क्रिस गेल र लोकेश राहुलको उच्च प्रदर्शनबाट प्ररित किङ्स ११ पञ्जाब इन्डियन प्रिमियर लिग (आइपिएल) मा शनिबार कोलकाता नाइट राइडर्सलाई डर्क वर्थ लुइस (डिएल) का आधारमा ९ विकेटले हराएको छ । जितका साथ पञ्जाब शीर्षस्थानमा उक्लेको छ ।

५ खेलमा चौथो जितका पछि पञ्जाबको ८ अंक पुगेको छ । कोलकाताको ६ खेलमा ६ अंक छ । वर्षाले प्रभावित पारेको खेलमा १३ ओभरमा १ सय २५ रनको विजय लक्ष्य प्राप्त गरेको पञ्जाबले गेल र राहुलको अर्धशतकको मद्दतमा ११.१ ओभरमा मात्र १ विकेट गुमाएर १ सय २६ रन जोडेको थियो ।

गेल र राहुलले पहिलो विकेटका लागि १ सय १६ रनको साझेदारी गर्दै टोलीलाई बजबुद अवस्थामा पुर्याएका थिए । राहुलले ६० र गेल अविजित ६२ रन जोडे । मयंक अग्रवाल २ रनमा अविजित रहे । अघिल्ला दुई खेलमा पनि उच्च प्रदर्शन गरेका गेलले ३८ बलमा ६ चौका र ५ चौका प्रहार गरे । म्यान अफ दी म्याच राहुलले २७ बलमा ९ चौका र २ छक्का प्रहार गरे । कोलकाताका लागि एक मात्र विकेट सुनिल नारिनले लिएका थिए ।
त्यसअघि टस हारेर ब्याटिङ गरेको कोलकाताले निर्धारित २० ओभरमा ७ विकेटको क्षतिमा १ सय ९१ रन बनाएको थियो । क्रस लेनले अर्धशतक पुरा गरेको खेलमा दीनेश कात्तिकले ४३, रोविन उथप्पाले ३४ र शुभम गिलले अविजित १४ रन बनाएका थिए । लेनले ४१ बलमा ६ चौका र ४ छक्काले ७४ रन बनाएका थिए ।

कार्तिकले २८ बलमा ६ चौका प्रहार गरे । २३ बल खेलेका उथप्पाले ५ चौका र १ छक्का प्रहार गरे । आन्द्रे रसलेले १० रन जोडे । पञ्जाबका बारिन्डेर श्रेन, एन्ड्रयू टेले समान २ तथा मुजित उर रहमाल र रविचन्द्रन आश्विनले समान १ विकेट लिए ।