काठमाडौं (हाम्रो खेलकुद)– नेपाल क्रिकेट संघ (क्यान) को विशेष साधारण सभा बिहीबार राजधानीमा जारी छ । आइसिसीले क्यानमाथि निलम्बन फकुवा गराउने उद्देश्यका विधान संसोधान गर्ने गरि विशेष साधारण सभा आयोजना गरिएको बताइएको छ ।

आइसिसीका प्रतिनिधि अमर शेखको उपस्थितिमा जारी साधारण सभाले आइसिसीले दिएको निर्देशन बमोजिमलाई विधान संसोधन हुने र त्यसले क्यानको निलम्बन फुकुवामा वातावरण सहज हुने विश्वास गरिएको छ । यद्दपी यसअघिको विशेष साधारण सभाले आइसिसीले भने भन्दा फरक विधान संसोधन गरेकाले त्यसलाई मानेको थिएन । साधारण सभामा निर्वाचित क्यानका पदाधिकारी, सदस्य ३७ जिल्ला र तत्कालिन क्षेत्रका प्रतिनिधिको सहभागिता रहेको छ । ‘छलफल जारी छ,’ क्यानका महासचिव अशोक नाथ प्याकुरेलले भने,‘ आजै टुंगिन सक्छ । ’
मुख्य तथा साधारण सभाले निर्वाचित क्यानका १७ सदस्यलाई अबको साधारण सभामा भाग लिन दिने तयार निर्वाचन प्रक्रियामा भाग लिन नदिने, अब हुने क्यानको प्रदेश र केन्द्रको निर्वानको अनुगमन गर्ने र निर्वाचित विवादमा कुनै समस्या भए त्यसको पनि समाधान गर्ने गरि ५ सदस्य अनुगमन समिति गठन गर्ने विधान संसोधन गर्ने सम्भावना रहेको छ ।

यसअघि ७ सदस्यीय भने पनि अबको समितिमा ३ आइसिसीका प्रतिनिनिध राखेप र निर्वाचित समितिका समान १ प्रतिनिधित रहने गरि ५ सदस्यीय अनुगमन समिति बनाउने गरि विधान संसोधन हुन सक्ने क्यानका महासचिव अशोकनाथ प्याकुरेलले यसअघि नै बताइएका छन् ।युवा तथा खेलकुद मन्त्री जगत विश्वकर्माले विशेष साधारण सभाको उद्घाटन गरेका थिए । उनले साधारण सभाबाट सकारात्मका आशा र उत्साह देखिएको बताए । मन्त्री विश्वकर्माले क्रिकेटको विवाद समाधानका लागि आफुले कमलको फुल टिप्न पानीमा पसेको रुपमा लिएको व्याख्या गरे ।
क्यानका अध्यक्ष चतुरबहादुर चन्दले विगतमा सरकारी हस्तक्षेप भएकै कारण क्रिकेटमा विवाद देखिएको र निलम्बन सम्मको अवस्था बनेको स्मरण गर्दै, भने‘ सबै समस्याको निकास दिने सर्वोच्च निकाय साधारण सभा हो ।’ उनले निर्वाचित क्यान समस्या समस्याका लागि बाधक नहुने प्रष्ट पारे ।

युवा तथा खेलकुद मन्त्रालयका सचिव मोहनकृष्ण सापकोटाले क्यानको निलम्बन फुकुवाको आशा राख्दै मन्त्रालय क्यानसँग सहकार्य गरेर काम गर्न आतुर रहेको बताए । साधारण सभाको सफलताको कामना गर्दै राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठले खेलाडीको हौसला अभिबृद्धिका लागि पनि क्यानको अस्तित्व स्थापित हुनु पर्नेमा जोड दिए । नेपाल खेलकुद पत्रकार मञ्चका अध्यक्ष महेश आचार्यले भने,‘ व्यक्तिगत स्वार्थ छाडेर विवाद समाधानका लागि शुभकामना छ । यो सम्भवत अन्तिम मौका हुन सक्छ । सबै विवादको अन्त्य यहि सभाले गरोस् ।’

क्यानका वरिष्ठ उपाध्यक्ष विनोद मैनालीले सबैले विवाद समाधानका लागि आफुहरु पद ताग्न समेत तयार रहेको उल्लेख गर्दै भने,‘ विगतमा केहि न केहि गल्ति सबैबाट भएको छ । अबको आवश्यकता भनेको क्यानको अधिकार देश भित्र ल्याउने हो । त्यसपछि कसको गल्ति कति थियो छुट्टाउँला ।’ २०७२ को मंसिर अन्त्यमा क्यानको निर्वाचन र त्यसलाई अस्वीकार गर्दै राखेपले तीन साता पछि रमेश सिलवालको अध्यक्षतामा क्यान तदर्थ समिति गठन गरेपछि क्रिकेटको पछिल्लो विवाद सुरु भएको थियो ।

त्यहि विवादलाई टेकेर निष्पक्ष निर्वाचन नभएको र सरकारी हस्तक्षेप भएको भन्दै २०७३ को वैशाखमा क्यानमाथि निलम्बन लगाएको थियो । त्यसपछि क्यानका पूर्व अध्यक्ष विनयराज पाण्डेको संयोजकत्वमा सल्लाहकार समिति गठन गरि विधान तयार गरेको थियो । त्यहि विधान संसोधनका लागि दोस्रो पटक यो विशेष साधारण सभा बसिरहेको छ।