दिपक बोहोरा , पाचथर

नेपालले पछिल्लो समय क्रिकेटमा निकै प्रगति गरेको छ । यहि प्रगतिले नेपालमा अहिले क्रिकेट निकै लोकप्रिय बन्दै गएको छ । बङलादेशमा सम्पन्न टि २० विश्बकपमा गरेको प्रर्दशन होस वा लिग डिभिजनमा गरेको प्रर्दशन होस सबै तारीफ योग्य प्रर्दशन थिए ।नेपालमा अहिले क्रिकेट निकै लोकप्रिय बन्दै गएको छ ।

पाँचथरको जिल्ला बिकास समिति अगाडि एक खाली भुभाग रहेको छ । त्यो खाली ठाउमा विद्यालय बिदा भएको दिन केटा केटीहरुको भिडभाड र होहल्ला हुन्छ । कोहि कोहि म ब्याटिङ गर्छु भन्दै गरेको पाइन्छ । बच्चाहरु ब्याट र बल बोकेर हिडछन अनि जहा खाली ठाउ भेट्छन अनि सुरु हुन्छ उनिहरुको क्रिकेट । यो देख्दा उनिहरुमा क्रिकेट क्रेज धेरै छ । उनिहरुमा प्रतिभा छ । अनि उनिहरुमा क्रिकेट प्रति माया छ । तर अफसोच उनिहरु संग क्रिकेट खेल्ने मैदान छैन । यि बच्चाहरु लाई देख्दा लाग्छ यिनिहरुमा अबसर पाए केहि गर्न सक्छन ।

सुदुर पुर्वमा रहेको पहाडि जिल्ला पाँचथरमा पछिल्लो समय क्रिकेट क्रेज निकैनै बढेको पाइन्छ । एक बर्ष अगाडि सदरमुकामा रहेका बिद्यालयहरुलाई समेटेर फुटबल खेल्ने फिदिम उच्च मा.बिको खेलमैदानमा बिद्यालय स्तरिय  क्रिकेट आयोजना गरेको थियो । त्यस पछि एक दुइ बटा खेलहरु सञ्चालन भए त्यस पछि स्थानीय स्तरमा क्रिकेट गतिबिधि शुन्य प्राय छ । यसलाई हेर्दा खेलकुद क्षेत्रमा सरकार संग धेरै चुनैतिहरु रहेको देखिन्छ ।

देशको दुरदराजमा रहेका प्रतिभाहरुलाई उचित व्यवस्थापन गर्नू पनि उतिकै चुनैति रहेको पाइन्छ । उनिहरुको उचित व्यवस्थापन नभएको खण्डमा ति बालकहरुको क्रिकेट एक सपना हुनेछ । यसतर्फ सबैको ध्यान जाओस ।