6 years ago
April 7, 2018
मुम्बई (एजेन्सी)– इन्डियन प्रिमियर लिगको ११ औं संस्करण शनिबारबाट सुरु हुँदै छ । आइपिएलको नामले परिचित व्यवसायिक क्रिकेट सन् २००७ मा बोर्ड अफ कन्ट्रोल फर क्रिकेट इन इन्डिया (बीसीसीआई) ले सुरु गरेको थियो । यो सिजन आज सुरु भएर मे २७ सम्म चल्ने छ । आइपिएल टि ट्वान्टी फर्म्याटमा हुनेछ ।
दुई वर्षको प्रतिबन्धमा रहेको चेन्नई सुपर किङ्स र राजस्थान रोयल्स यो सिजन आइपिएलमा फर्केका छन् । मालिकहरु नै स्पट फिक्सिङमा सामेल भएको अभियोगमा चेन्नई र राजस्थानलाई दुई वर्षको प्रतिबन्ध लागेको थियो । यसपटक आइपिएलको उद्घाटन खेल साविक विजेता मुम्बई इन्डियन्स र दुई पटकको विजेता रहि सकेको चेन्नईबीच हुनेछ ।
खेल स्थानिय समय अनुसार साँझ ८ बजे मुम्बईस्थित वानखडे मैदानमा सुरु हुनेछ । मुम्बईले सन् २०१३, २०१५ र गत सिजन आइपिएल जितेको थियो । चेन्नई २०१० र २०११ को विजेता हो । चेन्नई भारतीय क्रिकेट टोलीका पूर्व कप्तान महेन्द्रसिंह धोनी र मुम्बई रोहित शर्माको कप्तानीमा उत्रनेछ ।
यसपटकको आइपिएलमा आठ टोलीले प्रतिस्पर्धा गर्नेछन् । हरेक टोलीले एक अर्कासँग होम र अवेका आधारमा दुई पटक खेल्नेछन् । डबल राउन्ड रोविनपछि अंकका आधारमा शीर्ष ४ मा पर्ने टोली प्ले अफका लागि छनोट हुनेछन् । प्ले अफमा अंक तालिकाको पहिलो र दोस्रो स्थानमा रहने टोलीबीच प्रतिस्पर्धा हुनेछ ।
त्यस्तै तेस्रो र चौथोबीच इलिमिनेटर खेल हुनेछ हुनेछ । पहिलो र दोस्रोबीचको प्रतिस्पर्धाको विजेता स्वतः फाइनल पुग्नेछ । त्यसमा पराजित हुने फाइनल प्रवेशका लागि अर्को एउटा मौका पाउनेछ । त्यो टोलीले र इलिमिनेटरको विजेताबीच पुनः प्रतिस्पर्धा हुनेछ । त्यसको विजेता दोस्रो टोलीका रुपमा फाइनल पुग्नेछ । यसपटकको आइपिएलका लागि १० वटा मैदानमा प्रयोग हुनेछन् । उद्घाटन हुने मैदान मुम्बईको वानखडेमै फाइनल हुनेछ ।
चेन्नई र मुम्बईसहित आइपिएलमा दिल्ली डेयर डेभिल्स, किङ्स ११ पन्जाब, कोलकाता नाइट राइडर्स, राजस्थान, रोयल च्यालेन्सर्ज बंगलोर र सनराइजर्स हैदरावाद रहेका छन् । यसपटक नेपाली समर्थकले आइपिएल पहिले भन्दा पनि बढी पछ्याउने सम्भावना छ ।
जसको कारण हुन् नेपाली राष्ट्रिय क्रिकेट टोलीका स्पिनर सन्दीप लामिछाने रहेका छन् । उनी २० लाख भारतीय रुपैयाँमा दिल्लीमा आबद्ध भएका छन् । रिकी पोटिङले सबै खेलाडीले खेल्ने सम्भावना उत्तिकै रहेको बताएपछि सन्दीपले खेल्ने पाउने अपेक्षा गरिएको छ । दिल्लीले आइतबार पञ्जाबसँग प्रतिस्पर्धा गर्नेछ ।
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध ब्याटिङ गरिरहेको ओमानको आधा टिम पेभिलियन फर्किएको छ । ओमानका लागि पाँचौ विकेटका रुपमा प्रतिक अथाभाले आउट भएसँगै आधा टिम पेभिलियन फर्किएको हो । अथाभाले करण केसीको बलमा आउट भएका हुन् । उनले ३६ बलमा २६ रन बनाएका थिए । त्यसअघि चौथो विकेटका रुपमा आयान […]
