7 years ago
March 30, 2018
धनगढी (हाम्रो खेलकुद)– धनगढीमा शनिबार सुरु हुने रुस्लान धनगढी प्रिमियर लिग (डिपिएल० २को शुक्रबार ट्रफी सार्वजनिक गरिएको छ । डिपिएल सञ्चालन हुने संघीय प्रहरी कार्यालयको खेल मैदानमा आयोजक धनगढी क्रिकेट एकेडेमीका अध्यक्ष सुवास शाही तथा सहभागी ६ टोलीका कप्तानको सहभागितामा ट्रफी सार्वजनिक गरेको हो ।
प्रतियोगितामा सहभागी साविक विजेता टीम धनगढीका कप्तान सोमपाल कामी, कञ्चनपुर युनाईटेडका कप्तान विनोद भण्डारी, सिवाईसी अत्तरीयाका कप्तान सुवास खकुरेल, काठमाण्डौ गोल्डेन्सका कप्तान ज्ञानेन्द्र मल्ल र विराटनगर किंग्सका कप्तान पारस खड्का सहभागी थिए ।
मैदानमा पिच निर्माण, अस्थायी प्याराफिट निर्माण लगायत आवश्यक सबै तयारी पुरा भएको बताइएको छ । डिपिएलको उद्घाटन युवा तथा खेलकुद मन्त्री जगतवहादुर सुनारले उद्घाटन गर्ने कार्यक्रम तय भएको बताइएको छ । उद्घाटन खेलमा साविक विजेता टीम धनगढी र काठमाण्डौ गोल्डेन्स भिड्दैछन् ।
टीम धनगढीका कप्तान सोमपाल कामीले घरेलु टोली भएका कारण आफुहरुलाई दर्शकको राम्रो साथ रहने बताए । काठमाण्डौ गोल्डेन्स पनि उद्घाटन खेल जितेर सुखद सुरुवातको पक्षमा रहेको छ । टोलीका कप्तान ज्ञानेन्द्र मल्लले सवै खेलाडी फिट भएकोले जित्नेमा आशावादी रहेको बताए ।
३ करोड रुपैयाँ खर्च हुने अनुमान गरिएको प्रतियोगिताको विजेताले २५ लाख, दोस्रो हुने टोलीले १० लाख, तेस्रोले ३ र चौथो हुने टोलीले २ लाख रुपैयाँ प्राप्त गर्नेछन् ।
March 11, 2025
काठमाडौं (हाम्रो खेलकुद) – नेपाल प्रहरी खेलकुद समितिबाट पहिलो पटक आयोजित आइजिपी कप क्रिकेट प्रतियोगिताको पहिलो दिन सुदुरपश्चिम र लुम्बिनी प्रदेशले विजयी सुरुवात गरेका छन् । राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सुदिप गिरीको प्रमुख आतिथ्यतामा सम्पन्न उद्घाटन समारोह मुलपानी क्रिकेट मैदानमा भएको थियो । उद्घाटन […]
March 11, 2025
हिमाल खरेल, मेचीनगर पेनोरिस–११ झापाको मेचीनगर-४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताको सेमिफाइनलमा पुगेको छ। आज बिर्तामोड झापा क्रिकेट क्लबलाई २५ रनले हराउँदै पेनोरिस–११ अन्तिम चारमा प्रवेश गरेको हो । सरस्वती माविको खेल मैदानमा टस हारेर पहिलो ब्याटिङ गरेको पेनोरिसले १८.५ ओभरमा सबै विकेट गुमाउँदै १ सय ४२ रन बनाएको थियोे । पेनोरिसका लागि सुनिल […]
March 11, 2025
काठमाडौं (हाम्रो खेलकुद)- मधेश प्रदेशले प्रधानमन्त्री (पिएम) कप राष्ट्रिय क्रिकेट प्रतियोगितामा विजयी सुरुवात गरेको छ। कोशी प्रदेशलाई मंगलवार १ सय ६५ रनको फराकिलो अन्तरमा हराउँदै मधेश जितबाट पिएम कपको यात्रा सुरु गरेको छ। कोशीको यो लगातार दोस्रो हार हो। बलिङमा मधेशका रुपेश सिंहले ५ विकेट लिए। जितको लागि २ सय ८५ रनको लक्ष्य पछ्याएको कोशी […]
