7 years ago
March 27, 2018
काठमाडौं (हाम्रो खेलकुद) – विराटनगरमा पहिलोपटक एक दिवसीय विराट क्रिकेट कप प्रतियोगिता आयोजना हुने भएको छ ।
पूर्वाञ्चल क्रिकेट एकेडेमीले काठमाडौंमा मंगलबार पत्रकार सम्मेलन गरी विराटनगरमा पहिलोपटक एक दिवसीय विराट क्रिकेट कप प्रतियोगिता आयोजना गर्न लागिएको जानकारी दिए ।
पूर्वाञ्चल क्रिकेट एकेडेमीका सचिव सुवरथ पौडेलले पूर्वाञ्चलका पूर्व राष्ट्रिय खेलाडीहरु नरेश श्रेष्ठ र युनिल श्रेष्ठको पहलमा पहिलोपटक एक दिवसीय क्रिकेट प्रतियोगिता आयोजना गर्न लागिएको बताए । ‘नेपालले भर्खरै एक दिवसीय अन्तर्राष्ट्रिय मान्यता पाएको छ । अहिलेको अवस्थामा एक दिवसीय प्रतियोगिता नै उचित हुने ठानेर एकदिवसीय क्रिकेट प्रतियोगिता आयोजना गर्न लागिएको हो ।’ अध्यक्ष सुवरथ पौडेलले पत्रकार सम्मेलनमा भने, ‘नयाँ खेलाडी उत्पादन गर्ने हाम्रो लक्ष्य हो । घरेलु क्रिकेटमा टी–ट्वान्टी क्रिकेट प्रतियोगिता धेरै भैरहेको समयमा हामीले एक दिवसीय क्रिकेट आयोजना गर्ने जमर्काे गरेका छौं । शुरुवातमा केही समस्या आएपनि हामी यस प्रतियोगितालाई निरन्तरता दिनेछौं ।’
यस्तै राष्ट्रिय टिमका कप्तान पारस खड्काले एक क्लब आफै इनिसिएट भएर यसरी एक दिवसीय क्रिकेट प्रतियोगिता आयोजना गर्नु नेपाली क्रिकेटको लागि राम्रो हुने बताए । उनले नेपालमा ५० ओभरको खेल धेरै नभएको अवस्थामा यस्ता प्रतियोगिताले एक दिवसीय खेलको लागि राम्रा खेलाडी उत्पादनमा मद्दत गर्ने समेत बताए ।
प्रतियोगिता विराटनगरस्थित पुलिसको तालिम केन्द्रको खेल मैदानमा हुनेछ । प्रतियोगितामा ८ टिमको सहभागिता रहने आयोजकले जनाएको छ । आयोजकका सचिव पौडेलले फ्रेन्चाइज बेसमा जान नसके क्लब बेसमा भएपनि प्रतियोगिता हुने जानकारी दिए । प्रतियोगिताको मिति अर्काे वर्षको वैशाख २० देखि ५ जेठ सम्मको लागि तोकिएको छ । लिग कम नकआउटका आधारमा हुने प्रतियोगितामा सहभागिता जनााएको ८ टिमलाई दुई समूहमा विभाजन गरिएको छ । प्रतियोगिताको पुरस्कार राशि भने खुलाइएको छैन ।
October 8, 2024
एजेन्सी – पाकिस्तानले इङ्ग्ल्यान्डविरुद्धको पहिलो टेस्टको पहिलो इनिङमा विशाल योगफल तयार गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । पाकिस्तानको मुल्तान क्रिकेट स्टेडियममा टस जितेर ब्याटिङ रोजेको घरेलु टोलीले पहिलो इनिङको समाप्तीमा तीन शतकको सहयोगमा ५ सय ५६ रनको विशाल योगफल तयार गरेको छ । घरेलु टोलीका कप्तान शान मक्सुद, […]
October 8, 2024
काठमाडौं (हाम्रो खेलकुद)- महान्यायाधिवक्ता कार्यालयले राष्ट्रिय क्रिकेट टोलीका सदस्य सन्दीप लामिछाने विरूद्धको बलात्कारको मुद्दामा पुनरावेदन नगर्ने निर्णय गरेको छ। उच्च अदालतको फैसला चित बुझेको कारण पुनरावेदन नगर्ने निर्णय गरेको महान्यायाधिवक्ता कार्यालयका सूर्यराज दाहालले बताए। असोज १० गते सन्दीप विरूद्धको उक्त मुद्दामा उच्च अदालतको फैसलालाई सही मान्दै पुनरावेदनमा नजाने निर्णय महान्यायाधिवक्ता कार्यालयले गरेको हो। उक्त मुद्दामा […]
October 8, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) टोली सुदूरपश्चिम रोयल्सले केपी खनाललाई आफ्नो सोसियल एक्टिभिस्ट एम्बेसडर नियुक्त गरेको छ । सुदूरपश्चिमका मालिक स्वतन्त्र प्रताप शाह र सोसियल एक्टिभिस्ट एम्बेसडर खनालले मंगलवार सम्झौता पत्रमा हस्ताक्षर गर्नु भएको छ । क्लिन काष्ठमण्डप सरसफाई अभियान, मैनादेवी फाउन्डेसनमार्फत हरियाली, स्वच्छता अभियानमा स्थानिय निकायसँग सहकार्य गर्न खनाल सक्रिय रहेका छन् । […]