7 years ago
March 26, 2018
काठमाडौं (हाम्रो खेलकुद)– धनगढीमा सुरु हुने सर्वाधिक पुरस्कार राशिको रुस्लान धनगढी प्रिमियर लिग ९डिपिएल०–२ को डिजिटल पार्टनरको रुपमा मनोरञ्जन सेवा प्रदायक आईफ्लिक्स जोडिएको छ । सम्झौतामा आयोजक धनगढी क्रिकेट एकेडेमी (डिसिए) का अध्यक्ष सुवास शाही र आइफ्लिक्सका नेपालका लागि कन्ट्री म्यानेजर भावना घिमिरेले हस्ताक्षर गरिन् ।
सम्झौतासँगै आईफ्लिक्सले डीपीएलका खेलहरु विशेष प्रशारण गर्नेछ । सम्झौतापछि घिमिरेले डिपिएल क्रिकेट अनलाइन प्रसारण गर्न पाउँदा गौरवान्वित भएको बताइन् । ‘नेपालको इतिहासमै पहिलोपटक नेपाली क्रिकेटप्रेमीहरुले डिजिटल प्लेटफर्ममार्फत अनलाइन क्रिकेट लाइभको आनन्द लिन गैरहेका छन् । सबैको प्रतीक्षामा रहेको यो प्रतियोगिता जुनसुकै ठाउँमा जतिबेला पनि अनलाइनबाट हेर्न सकिनेछ ’ कन्ट्री म्यानेजर घिमिरेले भनिन्, ‘नेपालका क्रिकेट प्रेमीहरूमाझ यो अवसर पस्कन पाउँदा हामी एकदमै उत्साहित छौं, रुस्लान डिपिएलको एकमात्र अनलाइन प्रसारण प्लेटफर्म हुन पाएकोमा गर्ववान्वित छौं ।’
यस्तै डिसिएका अध्यक्ष शाहीले आईफ्लिक्सको विश्वस्तरीय प्रविधि तथा सेवाबाट यो प्रतियोगिता लाखौं क्रिकेट खेलप्रेमीहरूलाई देखाउन आतुर रहेको बताए । ‘स्पष्ट अनलाइन स्ट्रिमिङ प्रदान गर्ने आईफ्लिक्स जस्तो सुपरिचित मार्केट लिडरसँग पार्टनरसीप गरेर नेपाली क्रिकेटप्रेमी माझ क्रिकेट शृंखला अनलाइन देखाउन पाउँदा अत्यन्तै उत्साहित छौं , अध्यक्ष शाहीले भने, आईफ्लिक्सको विश्वस्तरीय प्रविधि तथा सेवाका साथमा लाखौं क्रिकेट खेलप्रेमीहरूलाई नजिकबाट सम्पूर्ण प्रतियोगिता देखाउन हामी आतुर छौं ।’
डिपिएल–२ १७ चैतबाट सुरु हुँदैछ । लिगमा विराटनगर किङ्स, काठमाडौं गोल्डेन्स, सीवाईसी अत्तरिया, रुपन्देही च्यालेन्जर्स, महेन्द्रनगर युनाइटेड र टिम चौराहा धनगढीले प्रतिस्पर्धा गर्नेछन् ।
March 12, 2025
काठमाडौं(हाम्रो खेलकुद) – युगान्डामा जारी चारदेशिय महिला टि ट्वान्टी आई सिरिजमा नामिबियाविरुद्ध नेपालले टस जितेको छ । युगान्डाको एन्टेब्बे क्रिकेट ओभलमा नामिबियाविरुद्ध नेपालकी कप्तान इन्दु बर्माले टस जितेर बलिङ रोजेकी हुन् । सिरिजमा खेलेको ३ मध्ये २ मा पराजित दुवै टोली दोस्रो जितको खोजीमा रहेका छन् । सिरिज अन्तर्गत यसअघि भएको खेलमा नामिबियाले नेपाली महिला […]
March 11, 2025
काठमाडौं (हाम्रो खेलकुद) – नेपाल प्रहरी खेलकुद समितिबाट पहिलो पटक आयोजित आइजिपी कप क्रिकेट प्रतियोगिताको पहिलो दिन सुदुरपश्चिम र लुम्बिनी प्रदेशले विजयी सुरुवात गरेका छन् । राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सुदिप गिरीको प्रमुख आतिथ्यतामा सम्पन्न उद्घाटन समारोह मुलपानी क्रिकेट मैदानमा भएको थियो । उद्घाटन […]
March 11, 2025
हिमाल खरेल, मेचीनगर पेनोरिस–११ झापाको मेचीनगर-४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताको सेमिफाइनलमा पुगेको छ। आज बिर्तामोड झापा क्रिकेट क्लबलाई २५ रनले हराउँदै पेनोरिस–११ अन्तिम चारमा प्रवेश गरेको हो । सरस्वती माविको खेल मैदानमा टस हारेर पहिलो ब्याटिङ गरेको पेनोरिसले १८.५ ओभरमा सबै विकेट गुमाउँदै १ सय ४२ रन बनाएको थियोे । पेनोरिसका लागि सुनिल […]
