7 years ago
March 20, 2018
अर्जुन कार्की
बागलुङ– धौलागिरी कप तथा चैत्राष्टमी टि ट्वान्टीको तेस्रो दिन मंगलबार पोखरा क्रिकेट क्लब र राइजिङ क्रिकेट क्लब पोखरा ‘ए’ विजयी भएका छन् । पोखराले धौलागिरी बहिरा आवासिय माविलाई २ सय ५८ रनको फराकिलो अन्तरले हराएको थियो । अर्को खेलमा राइजिङले धौलागिरी क्रिकेट क्लब ‘बी’ लाई ७ विकेटले पराजित गरेको थियो ।
बागलुङ बजारमा जारी प्रतियोगितामा टस हारेर व्याटिङको निम्तो पाएको पोखराले २० ओभरमा ५ विकेट गुमाउँदै ३ सय १५ रन ठूलो योगफल तयार गरेको थियो । जारी प्रतियोगिताको यो सर्वाधिक योगफल हो । टोलीका लागि विधान श्रेष्ठ र अनिल गुरुङ अर्धशतक पुरा गरे ।
विधानले ३८ बलमा ९१ र अनिलले ३८ बलमा ८२ रन बनाए । त्यस्तै सुमन घिमिरेले २० बलमा अविजित ४८ रन र सुदिप पौडलले २० बलमा १८ रन जोडे ।धौलागिरी माविका बैदेनाथ चौधारीले ३, निरञ्जन अधिकारी र धन बहादुर थापाले समान १ विकेट लिएका थिए ।
३ सय १६ रनको लक्ष्य पछ्याएको धौलागिरी माविले १०.१ ओभरमा सबै विकेट गुमाएर ५७ रन मात्र बनाउन सक्यो । टोलीका रमेश घिमिरेले १२ र रञ्जन निरौलाले ९ रन बनाए । पोखराका समिर सेनले ३ ,विजय राउत र जोय शर्माले समान २, विसि शर्माले र सुमन घिमिरेले समान १ विकेट लिए ।
अर्को खेलमा ४५ रनको सामान्य लक्ष्य पछ्याएको राइजिङले ५ ओभरमा ३ विकेट गुमाएर लक्ष्य पुरा गरेको थियो । टोलीका मनोज कोइरालाले १९ रन जोडे । राइजिङले अतिरिक्तमा २० रन पाएको थियो । धौलागिरीका भुवन शर्मा अनिश खत्री र शिवराम मण्डलले समान १ विकेट लिए ।
त्यसअघि टस जितेर पहिले व्याटिङ गरेको धौलागिरीले ११ ओभरमा ४४ रनमा समेटिएको थियो । टोलीका लागि भुवन शर्माले २२ र अनिष खत्रीले ९ रन बनाए । धौलागिरीका ६ जनाले रनको खाता खोल्न सकेनन् । राइजिङका कप्तान अमृत गुरुङले ४ र मुकिल यादवले ३ लिए ।
प्रतियोगितामा बुधबार तीन खेल हुनेछन् । बागलुङ नगरपालिका ७ मुल्पानी खेलकुद विकास समिति र रक ११ स्याङ्जा, धौलागिरी क्रिकेट क्लब ९ए० र इस्लामिक एक्टिभ युथ पाल्पा र अर्को खेल बागलुङ क्रिकेट क्लब (निलो) र राइजिङ क्रिकेट क्लब बीच प्रतिस्पर्धा हुने फ्युचर स्पोर्टस् क्लबका सचिव फडिन्द्र खड्काले जानकारी दिए ।
बागलुङ क्रिकेट क्लब, फ्युचर स्पोर्टस् क्लब र चैत्राष्ट्रमी मेला २०७४ व्यवस्थापन समितिको संयुक्त आयोजनामा जारी प्रतियोगितामा टोलीको सहभागिता छ ।
October 8, 2024
एजेन्सी – पाकिस्तानले इङ्ग्ल्यान्डविरुद्धको पहिलो टेस्टको पहिलो इनिङमा विशाल योगफल तयार गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । पाकिस्तानको मुल्तान क्रिकेट स्टेडियममा टस जितेर ब्याटिङ रोजेको घरेलु टोलीले पहिलो इनिङको समाप्तीमा तीन शतकको सहयोगमा ५ सय ५६ रनको विशाल योगफल तयार गरेको छ । घरेलु टोलीका कप्तान शान मक्सुद, […]
October 8, 2024
काठमाडौं (हाम्रो खेलकुद)- महान्यायाधिवक्ता कार्यालयले राष्ट्रिय क्रिकेट टोलीका सदस्य सन्दीप लामिछाने विरूद्धको बलात्कारको मुद्दामा पुनरावेदन नगर्ने निर्णय गरेको छ। उच्च अदालतको फैसला चित बुझेको कारण पुनरावेदन नगर्ने निर्णय गरेको महान्यायाधिवक्ता कार्यालयका सूर्यराज दाहालले बताए। असोज १० गते सन्दीप विरूद्धको उक्त मुद्दामा उच्च अदालतको फैसलालाई सही मान्दै पुनरावेदनमा नजाने निर्णय महान्यायाधिवक्ता कार्यालयले गरेको हो। उक्त मुद्दामा […]
October 8, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) टोली सुदूरपश्चिम रोयल्सले केपी खनाललाई आफ्नो सोसियल एक्टिभिस्ट एम्बेसडर नियुक्त गरेको छ । सुदूरपश्चिमका मालिक स्वतन्त्र प्रताप शाह र सोसियल एक्टिभिस्ट एम्बेसडर खनालले मंगलवार सम्झौता पत्रमा हस्ताक्षर गर्नु भएको छ । क्लिन काष्ठमण्डप सरसफाई अभियान, मैनादेवी फाउन्डेसनमार्फत हरियाली, स्वच्छता अभियानमा स्थानिय निकायसँग सहकार्य गर्न खनाल सक्रिय रहेका छन् । […]