7 years ago
March 19, 2018
पोखरा (हाम्रो खेलकुद) – नेपालले एक दिवसिय क्रिकेटको मान्यता पाए संगै खुसियाली मनाउन पोखरामा मैत्रीपूर्ण खेल आयोजना गरिएको छ । पोखरा रंगशालामा सोमबार भएको मैत्रीपूर्ण खेलमा कास्की जिल्ला क्रिकेट संघ (बोर्ड ११) ले मंचलाई ११ रनले पराजित गरेको छ ।
टस हारेर ब्याटिङको निम्तो पाएको बोर्ड ११ ले ५ विकेटको क्षतिमा १ सय २३ रन बनाएको थियो । कास्कीले सबै विकेट गुमाएरले १ सय १२ रनमात्र बनाउन सक्यो । बोर्ड ११ का सूर्य थपलिया पहिलो बलमा गोल्डन डक आउट भएका थिए । लोकेन्द्र ढकालको बलमा सुजन पौडेलले क्याचमा उनी आउट भएका थिए । टोलीका लागि सिर्दाथ श्रेष्ठले ३८ बलमा ४१ रन जोडे । सञ्जय नेपालले २६ र दिपेन्द्र चन्दले २३ रन बटुले । मञ्चका लोकेन्द्र ढकाल र सुजन पौडेलले समान २ तथा निरज पन्तले १ विकेट लिएका थिए ।
जवाफमा १ सय २४ रनको लक्ष्य पछ्याएको मञ्चका लागि शुसान्त गाहा मगरले १८ बलमा ३३ रन बनाए । बिनोद लामिछानेले ३७, सुदिप गुरुङले १४ रन बाहेक अन्य खेलाडीले खासै राम्रो पर्दशन गर्न सकेनन् । बोर्ड ११ का विनित श्रेष्ठले ४, सञ्जयकान्त सिग्देल ३ र सञ्जय नेपालले २ विकेट लिए ।
पोखरा रंगशालामाको क्रिकेट खेल मैदानमा खुसियाली मनाउन उपस्थित सबैले एक आपसमा बधाई साटा–साट गरेका थिए । पोखरा लेखनाथ महानगर पलिकाका मेयर मान बहादुर जिसीले क्रिकेटमा नेपालले पाएको ऐतिहासिक सफलताले सबैलाइ गौरवान्वित बनाएको बताए । उनले यस प्रकारका मैत्रीपूर्ण प्रतियोगिताले समाजमा नयाँ सन्देश जाने र खेल संस्कृती बिकास गर्न सहयोग पुग्ने विश्वास व्यक्त गरे । मेयर जिसीले पोखरालाई खेलकुद शहरको रुपमा विकास गर्न क्रिकेट खेलको विकास अपरिहार्य रहेको बताए ।
नेपाल पर्यटन बोर्ड पोखरा कार्यलयका प्रमुख सूर्य थपलियाले खेल पर्यटनका माध्यम बाट पनि पोखरा शहरलाई विश्वमा परिचित गराउन मद्दत पुग्ने बताए । यस क्षेत्रलाई खेल पर्यटनको प्रमुख गन्तव्यको रुपमा विकास गर्न सहयोग पुग्ने बताउँदै थपलियाले बोर्डले खेलकुद पर्यटनको विकासका लागि विशेष कार्यक्रमका साथ अघि वढ्ने बताए ।
नेपाल पत्रकार महासंघका कास्की अध्यक्ष दिपेन्द्र श्रेष्ठले नेपाली क्रिकेट टोलीले खेलको माध्यम द्वारा विश्वमा देशलाई चिनाउन खेलेको भूमिका प्रशंसनिय रहेको बताउँदै उनीहरुको सम्मान यस्ता मैत्रीपुर्ण खेलहरुको आयोजनाले थप उत्साह जाग्ने बताए । कार्यक्रममा कास्की जिल्ला क्रिकेट संघका अध्यक्ष सञ्जयकान्त सिग्देल, जिल्ला खेलकुद बिकास समिती कास्कीका कोषाध्यक्ष दिपक गोदार, मंच कास्कीका अध्यक्ष केशब पाठक नेपाली टोलीको सफलताको चर्चा गरेका थिए ।
नेपाल पर्यटन बोर्ड, कास्की जिल्ला क्रिकेट संघ, नेपाल खेलकुद पत्रकार मंच समन्वय शाखा कास्की र पर्यटन परिषद पोखराले सोमबारले संयुक्त रुपमा टि ट्वान्टी क्रिकेट खेलको आयोजना गरेको थियो ।
October 8, 2024
एजेन्सी – पाकिस्तानले इङ्ग्ल्यान्डविरुद्धको पहिलो टेस्टको पहिलो इनिङमा विशाल योगफल तयार गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । पाकिस्तानको मुल्तान क्रिकेट स्टेडियममा टस जितेर ब्याटिङ रोजेको घरेलु टोलीले पहिलो इनिङको समाप्तीमा तीन शतकको सहयोगमा ५ सय ५६ रनको विशाल योगफल तयार गरेको छ । घरेलु टोलीका कप्तान शान मक्सुद, […]
October 8, 2024
काठमाडौं (हाम्रो खेलकुद)- महान्यायाधिवक्ता कार्यालयले राष्ट्रिय क्रिकेट टोलीका सदस्य सन्दीप लामिछाने विरूद्धको बलात्कारको मुद्दामा पुनरावेदन नगर्ने निर्णय गरेको छ। उच्च अदालतको फैसला चित बुझेको कारण पुनरावेदन नगर्ने निर्णय गरेको महान्यायाधिवक्ता कार्यालयका सूर्यराज दाहालले बताए। असोज १० गते सन्दीप विरूद्धको उक्त मुद्दामा उच्च अदालतको फैसलालाई सही मान्दै पुनरावेदनमा नजाने निर्णय महान्यायाधिवक्ता कार्यालयले गरेको हो। उक्त मुद्दामा […]
October 8, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) टोली सुदूरपश्चिम रोयल्सले केपी खनाललाई आफ्नो सोसियल एक्टिभिस्ट एम्बेसडर नियुक्त गरेको छ । सुदूरपश्चिमका मालिक स्वतन्त्र प्रताप शाह र सोसियल एक्टिभिस्ट एम्बेसडर खनालले मंगलवार सम्झौता पत्रमा हस्ताक्षर गर्नु भएको छ । क्लिन काष्ठमण्डप सरसफाई अभियान, मैनादेवी फाउन्डेसनमार्फत हरियाली, स्वच्छता अभियानमा स्थानिय निकायसँग सहकार्य गर्न खनाल सक्रिय रहेका छन् । […]