7 years ago
March 19, 2018
अर्जुन कार्की
बागलुङ– पाचौं धौलागिरी कप तथा चैत्राष्टमी टि ट्वान्टी क्रिकेट प्रतियोगिताको दोस्रो दिन सोमबार बागलुङ नगरपालिका–५, मालिका र नेपाल विद्यार्थी संघ बागलुङ विजयी भएका छन् । पहिलो खेलमा मालिकाले बलेवा क्रिकेट क्लबलाई ८ विकेटले हरायो । अर्को खेलमा नेवि संघले कुश्मा क्रिकेट क्लबलाई ५ विकेटले पराजित गर्यो ।
८० रनको सामान्य लक्ष्य पछ्याएको मालिकाले सन्तोष घिमिरेको अर्धशतकको मद्धतमा ७.१ ओभरमा २ विकेट गुमाउँदै जित पक्का गरेको थियो । ओपनर अखिलेश खड्का १ रनमा रनआउट र सुनिल जिसीलाई खाता नखोली आउट भएपछि दबाबमा परेको मलेवालाई सन्तोषले सम्हालेका थिए ।
सन्तोषले प्रतियोगिताकै पहिलो अर्धशतक पुरा गर्दै टोलीलाई जित दिलाए । म्यान अफ दी म्याच बनेका सन्तोषले २८ बलमा ३ छक्का र ५ चौकासहित ५५ रन बनाए । अनुप बानियाँले १६ बलमा ३ छक्का र १ चौकाको मद्दतमा २४ रन बनाए । बलेवाका विनोद कुवँरले १ विकेट लिए ।
त्यसअघि टस जितेर पहिलो ब्याटिङ रोजेको बलेवाले १४.१ बलमा अलआउट हुँदै ७९ रन जोड्यो । दुवै ओपनर ब्याट्सम्यानले खाता खोल्न नसकेपछि बलेवाका लागि मनीष बोहोराले ३१ बलमा ३० रन बनाए । त्यस्तै सूर्य खड्काले २१ बलमा १६ रन जोडे । अन्य खेलाडीले दोहोरो अंकसम्म छुन सकेनन् । मालिकाका अशोक कार्की र अखिलेश खड्काले समान ३ तथा अनिल आचार्य र दिल बहादुर केसीले समान २ विकेट लिए ।
दोस्रो खेलमा नेविसंघले १ सय १४ रनको लक्ष्य १२ ओभरमा ५ विकेट गुमाएर जित हासिल गरेको थियो । टोलीलाई जित दिलाउन सजय कुवँरले २३, रविन जोशीले २८, दीपेश खत्रीले १२, दीपक कुवँरले १२ रन तथा आरिब अहमदले १२ रन बनाए । कुश्माका विनोद नेपालीले २ , रविन्द्र विके, विनोद नेपाली र नविनले समान १ विकेट लिए ।
सअघि टस जितेर पहिले व्याटिङ गरेको कुश्माले १८.१ ओभरमा सबै विकेट गुमाउँदै १ सय १३ रन बनाएको थियो । टोलीका अमृत लामिछानेले ३६ बलमा ५३ रन बनाएका थिए । विशाल पुनले १४ रन बनाए । नेविसंघका गणेश केसी र संजय कुँवरले समान ३ तथा दिपेश खत्री र प्रविन बाबरले समान २ लिएका थिए ।
प्रतियोगितामा मंगलबार पहिलो खेल राईजिङ क्रिकेट क्लब पोखरा ‘ए’ र धौलागिरी क्रिकेट क्लब बागलुङ ‘बी’ तथा दोस्रो खेल पोखरा क्रिकेट क्लब र धौलागिरी बहिरा आवासिय विद्यालय बागलुङबीच हुने फ्युचर स्पोर्टस् क्लबका सचिव फडिन्द्र खड्काले बताए ।
बागलुङ क्रिकेट क्लब, फ्युचर स्पोर्टस् क्लब र चैत्राष्ट्रमी मेला २०७४ व्यवस्थापन समितिको संयुक्त आयोजना जारी प्रतियोगितामा १८ टोलीको सहभागिता छ । प्रतियोगिताको विजेताले उपाधिसहित १ लाख ११ हजार १ सय ११ रुपैयाँ र दोस्रो हुने टोलीले ५५ हजार ५ सय ५५ रुपैयाँ प्राप्त गर्नेछन् । म्यान अफ दि सिरिजले १० हजार तथा उत्कृष्ट ब्याट्म्यान र उत्कृष्ट बलरले समान ५ हजार रुपैयाँ प्राप्त गर्नेछन् ।
October 8, 2024
एजेन्सी – पाकिस्तानले इङ्ग्ल्यान्डविरुद्धको पहिलो टेस्टको पहिलो इनिङमा विशाल योगफल तयार गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । पाकिस्तानको मुल्तान क्रिकेट स्टेडियममा टस जितेर ब्याटिङ रोजेको घरेलु टोलीले पहिलो इनिङको समाप्तीमा तीन शतकको सहयोगमा ५ सय ५६ रनको विशाल योगफल तयार गरेको छ । घरेलु टोलीका कप्तान शान मक्सुद, […]
October 8, 2024
काठमाडौं (हाम्रो खेलकुद)- महान्यायाधिवक्ता कार्यालयले राष्ट्रिय क्रिकेट टोलीका सदस्य सन्दीप लामिछाने विरूद्धको बलात्कारको मुद्दामा पुनरावेदन नगर्ने निर्णय गरेको छ। उच्च अदालतको फैसला चित बुझेको कारण पुनरावेदन नगर्ने निर्णय गरेको महान्यायाधिवक्ता कार्यालयका सूर्यराज दाहालले बताए। असोज १० गते सन्दीप विरूद्धको उक्त मुद्दामा उच्च अदालतको फैसलालाई सही मान्दै पुनरावेदनमा नजाने निर्णय महान्यायाधिवक्ता कार्यालयले गरेको हो। उक्त मुद्दामा […]
October 8, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) टोली सुदूरपश्चिम रोयल्सले केपी खनाललाई आफ्नो सोसियल एक्टिभिस्ट एम्बेसडर नियुक्त गरेको छ । सुदूरपश्चिमका मालिक स्वतन्त्र प्रताप शाह र सोसियल एक्टिभिस्ट एम्बेसडर खनालले मंगलवार सम्झौता पत्रमा हस्ताक्षर गर्नु भएको छ । क्लिन काष्ठमण्डप सरसफाई अभियान, मैनादेवी फाउन्डेसनमार्फत हरियाली, स्वच्छता अभियानमा स्थानिय निकायसँग सहकार्य गर्न खनाल सक्रिय रहेका छन् । […]