काठमाडौं (हाम्रो खेलकुद) – त्रिभुवन विश्वविद्यालय ‘टियु’ को ‘ए’ टिमले युनिभर्सिटी क्रिकेट कप टी–ट्वान्टी क्रिकेट प्रतियोगिताको उपाधि जितेको छ । त्रिवि क्रिकेट मैदानमा शनिबार भएको फाइनलमा टियुले डिएभी कलेजलाई ६ विकेटले पराजत गर्दै दोस्रो संस्करणको उपाधि आफ्नो पक्षमा पारेको हो ।

डिएभीले दिएको १ सय ४२ रनको लक्ष्य टियुले १९ ओभर ३ बलमा ४ विकेट गुमाएर पूरा गर्यो । टियुलाई उपाधि दिलाउन ओपनर ब्याट्सम्यानद्धय रविन जोशी र इशान पाण्डेले उत्कृष्ट प्रदर्शन गरे । रविन जोशीले ७१ रनको अर्धशतकीय इनिङ्स खेल्दा इशान पाण्डेले पनि ५७ रनको अर्धशतकीय इनिङ्स खेले । सुवास खकुरेल ७ रनमा नटआउट रहे । डिएभीका नन्दन यादव र दीलिप यादवले समान २ विकेट हात पारे ।

यसअघि टस जितेर पहिले ब्याटिङ गरेको डिएभीले निर्धारित २० ओभरमा ४ विकेट गुमाएर १ सय ४१ रनका मध्यम योगफल तयार पारेको थियो । डिएभीका सुधिर चौधरीले ६४ रनको अर्धशतकीय इनिङ्स खेले । सनतोष पौडेलले ३५ रन बनाए । सन्जय बस्नेत र विवेक रानामगर १३ र १द्द रनमा नटआउट रहे । टियुका इशान पाण्डे सागर ढकाल र रुपेश श्रीवास्तवले समान १ विकेट लिए ।

उपाधिसँगै टियुले २ लाख रुपैया हात पार्यो । दोस्रो भएको डिएभीले १ लाख रुपैयामा चित्त बुझायो । टियुका इशान पाण्डे प्रतियोगिताको सर्वाेत्कृष्ट खेलाडी घोषित भए । उनले २५ हजार रुपैया प्राप्त गरे । डिएभीका आदिल खान उत्कृष्ट ब्याट्सम्यान, टियुका सागर ढकाल उत्कृष्ट बलर र महेश खत्री प्रतियोगिताको उदयमान खेलाडी घोषित भए । उनीहरुले समान १० हजार रुपैया हात पारे ।

सोही अवसरमा आयोजकले पूवृ खेलाडी, टियुका पहिलो कप्तान तथा अम्पायर दुर्गानाथ सुवेदी (देवेन्द्र) लाई सम्मान गर्यो । प्रतियोगिताको विजयी खेलाडीलाई राष्ट्रिय सभाका अध्यक्ष गणेश तिमल्सिना, गोल्डेन गेटका सिइओ रमेश सिलवाल र मदन भण्डारी स्पोर्टस् एकेडेमीका अध्यक्ष विनोद श्रेष्ठले पुरस्कृत गरे ।

युनिभर्सिटी क्रिकेट क्लबको आयोजनामा भएको दोस्रो संस्करणको प्रतियोगिता फागुन २५ गतेबाट त्रिवि क्रिकेट मैदानमा शुरु भएको थियो । नकआउटको आधारमा भएको प्रतियोगितामा विभिन्न १६ कलेजहरुले सहभागिता जनाएको थियो ।