7 years ago
February 23, 2018
काठमाडौं (हाम्रो खेलकुद) – नेपाल सरकारले जिम्बावेमा हुने एकदिवसीय विश्वकप छनोटमा पु¥याउन सफल नेपाली राष्ट्रिय क्रिकेट टोलीलाई जनही ३ लाख रुपैयाँले पुरस्कृत गरेको छ । सरकारले शुक्रबार पुरस्कृतसँगै जिम्बावे यात्रामा निस्कने टोलीको विदाई पनि गरेको थियो ।
सरकारले सोमबार घोषणा गरे बमोजिम १४ सदस्यीय राष्ट्रिय टोली पुरस्कृत गरेको हो । बालुवाटारस्थित प्रधानमन्त्री निवासमा प्रधानमन्त्री केपी शर्मा ओलीले टोलीका सदस्यलाई जनही ३ लाख रुपैयाँको चेक हस्तान्तरण गरे ।
१४ सदस्यीय टोलीमा कप्तान पारस खड्का, उपकप्तान ज्ञानेन्द्र मल्ल, शक्त गोचन, बसन्त रेग्मी, शरद भेषवाकर, सोमपाल कामी, करण केसी, मोहम्मद आरिफ शेख, सन्दिप लामिछाने, दिपेन्द्रसिंह ऐरी, दीलिपनाथ, ललित भण्डारी, अनिल कुमार शाह र रोहित कुमार पौडेल छन् ।
यस्तै मदन भण्डारी स्पोर्टस् एकेडेमीले पनि टोलीका सदस्यलाई जनही १ लाख रुपैयाँ प्रदान गर्यो । एकेडेमीका अध्यक्ष विनोद श्रेष्ठले नगद प्रदान गरे । प्रधानमन्त्री केपी शर्मा ओलीले जिम्बावेमा हुने एक दिवसीय विश्वकप छनोटको लागि टोलीलाई सफलताको शुभकामना दिए । ‘तपाईहरु जिम्बावेमा आत्मविश्वासका साथ खेल्नुस्, सफलताका साथ फर्कनुस् ’ प्रधानमन्त्री ओलीले भने, ‘नयाँ नेतृत्वमा खेलकुदलाई बुझ्ने मान्छे आएको छ । हामी हाम्रो गक्षले भ्याएसम्म नेपाली खेलकुद विकासको लागि सदैव लागि पर्नेछौं ।’
कप्तान पारसले राष्ट्रकै यस्तो खालको सम्मानले खेलाडीहरुलाई थप उत्साह प्रदान गर्ने बताए । ‘हामीले यसअघि प्रधानमन्त्रीबाट क्रिकेट मात्र नभई सबै खेलकुदलाई नयाँ उचाई दिने आश्वासन पाएका छौं । वर्षौको लगानीले हामी पून डिभिजन–१ मा उक्लदै विश्वकप छनोटमा पुग्न सफल भएका छौं ’ उनले भने, ‘खेलाडीहरु कुनै पार्टीको पनि हैन, संस्थाको पनि हैन । हामी चन्द्र र सूर्यको लागि खेल्नेछौ । यही खुसी जिम्वावेमा दोहो¥याउने कोसिसमा हुनेछौं ।’
मदन भण्डारी स्पोर्टस् एकेडेमीका अध्यक्ष विनोद श्रेष्ठले क्रिकेट बोर्ड निर्माण गरेर नेपाल्ी क्रिकेटलाई निकासा दिन प्रधानमन्त्री ओलीलाई आग्रह गरे । नामिबियामा सम्पन्न आइसीसी विश्व क्रिकेट लिग डिभिजन–२ मा दोस्रो हुँदै नेपाल एकदिवसीय विश्वकप क्रिकेटको छनोट प्रतियोगितामा स्थान बनाएको थियो । फागुन २० देखि जिम्बावेमा सुरु हुने विश्वकप छनोट प्रतियोगितामा नेपाल समूह ‘बी’ मा रहेको छ ।
समूहमा नेपाल र आयोजक जिम्बावेसँगै स्कटल्यान्ड, अफगानिस्तान र हङकङ छन् । नेपालले छनोटको पहिलो खेल आयोजक जिम्वाबेसँग खेल्नेछ । ४ दिनपछि स्कटल्यान्डसँग प्रतिस्पर्धा गर्नेछ । त्यसपछि २–२ दिनको अन्तरमा नेपालले अफगानिस्तान र हङकङसँग भिड्नेछ । त्यसअघि नेपालले २ वटा ‘वार्मअप’ खेल खेल्नेछ । नेपालले फागुन १५ र फागुन १७ मा वार्मअप खेल खेल्नेछ ।
समूह ‘ए’मा आयरल्यान्ड, नेदरल्यान्ड्स, पपुवा न्युगिनी, वेस्ट इन्डिज र युएई छन् । दुवै समूहका शीर्ष ३–३ टिम सुपर–६ मा पुग्नेछन् । सुपर सिक्समा लिग खेल हुनेछन् । शीर्ष दुई टोली सन् २०१९ को एकदिवसीय विश्वकपका लागि छनोट हुनेछन् ।
September 17, 2024
काठमाडौं (हाम्रो खेलकुद) – विश्वकप लिग टु को क्यानडा सिरिजको पहिलो खेलमा घरेलु टोलीले नेपाललाई जितका लागि २ सय ५४ रनको बलियो लक्ष्य दिएको छ । क्यानडाको किङ्ग सिटीमा जारी खेलमा टस हारेर ब्याटिङको निम्तो पाएको घरेलु टोलीले ५० ओभरमा ८ विकेट गुमाएर २ सय ५३ रन जोड्न सक्यो । नेपालले डेथ ओभरमा पुन: एकपटक […]
September 17, 2024
काठमाडौं (हाम्रो खेलकुद) – आइसीसी क्रिकेट विश्वकप लिग टु अन्तर्गत क्यानडा सिरिजको पहिलो खेलमा नेपालका ललित राजवंशीले व्यक्तिगत दोस्रो सफलता दिलाएका छन् । ललितले ४४औं ओभरको पहिलो बलमा ३० रन बनाएर आक्रामक ब्याटिङ गरिरहेका डेलिन हेलिगरलाई आउट गराए । उनी २७ बल खेल्दै कुशल भुर्तेलबाट क्याच आउट भएका हुन् । क्यानडाले अहिले ४४ ओभरको समाप्तीमा […]
September 16, 2024
काठमाडौं (हाम्रो खेलकुद) – नेपालले क्यानडाविरुद्ध आइसीसी क्रिकेट विश्वकप लिग-२ अन्तर्गत क्यानडा भ्रमणको पहिलो खेलमा पुनरागमनको संकेत देखाएको छ । नेपालले लगातार विकेट लिँदै घरेलु टोली क्यानडालाई दबाबमा राख्न सफल भएको छ । ३७ ओभरको समाप्तिमा क्यानडाले ५ विकेट गुमाएर १ सय ३४ रन जोडेको छ । क्रिजमा निकोलस किर्तन १४ रन जोडेर खेलिरहेका छन् […]