काठमाडौं (हाम्रोखेलकुद)- नेपाली राष्ट्रिय क्रिकेट टोलीका महत्वपूर्ण सदस्य यू–१९ टिमका कप्तान दीपेन्द्र सिंह ऐरीलाई ग्लोबल आईएमई बैंकले १ वर्षको लाग प्रायोजन गरेको छ । ग्लोबल आईएमईं बैकले बिहिबार राजधानीमा पत्रकार सम्मेलनमार्फत दीपेन्द्रलाई १ बर्षका लागि ४ लाख रुपैयाको प्रायोजन गरेको छ ।

प्रायोजन सम्झौता पत्रमा बैंकका प्रमुख कार्यकारी अधिकृत (सिइओ) जनक शर्मा पौडेल र खेलाडी दीपेन्द्रले हस्ताक्षर गरे । जसअनुसार दीपेन्द्रले मासिक २० हजारका दरले एक वर्षसम्म २ लाख ४० हजार नगद पाउनेछन् भने र बाँकी १ लाख ६० हजाजारको खेल समाग्री बैंकले उपलब्ध गराउनेछ । सम्झौतापछि बैंकका सिइओ जनक शर्मा पौडेलले खेलकुदले नै सारा नेपालीलाई एक ठाउमा राखेको बताउदै अझ प्रगतिको कामना गरे ।

‘खेलाडीहरु आफ्नो ब्यक्तिगत लगानीमा यहाँ सम्म आइपुगेर सारा नेपालीको शिर उचो पारेको छ । यस्तो बेलामा खेलाडीहरुलाई कर्पाेरेट सस्थाहरुले सहयोग आवश्यक छ ।’ सिइओ पोडेलले भने, ‘सरकारले पनि खेलकुदमा लगानी बढाउनु पर्दछ । खेलाडीहरुले आर्थिक सहयोग पाएमा उनीहरुको व्यक्तिगत प्रर्दनमा पनि सुधार आउने हामीले विशवास लिएका छौं । तपाईहरुको १ रनले सारा तीन करोड नेपालीको छाती फुलेर आउनेछ । आगमी खेलको लागि सफलताको कामना ।’

यस्तै दीपेन्द्रले ब्राण्ड एम्वासडर बनाएकोमा ग्लोबल आइएमईंलाई धन्यवाद दिदै आगमी दिनमा राम्रो खेल्न यसले थप हौसला मिल्ने बताए । राष्ट्रिय टोलीका कप्तान तथा क्रिकेट प्लेयर एसोसिएसन अफ नेपाल (सिप्यान) का महासचिव पारस खड्काले ब्राण्ड एमवासडरका लागि दुई महिनाअघि देखि प्रक्रिया थालेको र आज मौका जुरेको बताउदै क्रकेटलाई व्यवसायिक रुपमा अघि बढाउन कर्पाेरेट क्षेत्रको सर्पाेट आवश्यक रहेको बताए । यस्ता खड्काले खालका सहयोगले खेलाडीलाई खेल्न थप हौसला मिल्ने र अन्य खेलाडीहरुलाई पनि सहयोग गर्न आग्रह गरे ।